Taıvan tarapy Sı Szınpınniń áreketin aıyptap, Beıjińdi májbúrleý josparynan bas tartýǵa shaqyrdy. Sondaı-aq el bolashaǵyn tek Taıvan halqy sheshe alatynyn taǵy da ashyq aıtty.
Demokratııalyq jolmen júretin Taıvanniń egemendigin Beıjiń bıligi moıyndaǵan emes. Biraq Taıpeı óz bostandyǵyn qorǵaýǵa ýáde berdi.
Taıvanda prezıdent keńsesi ózderiniń Qytaı Halyq Respýblıkasynyń quramyna kirmeıtin, egemen, táýelsiz el ekenin málimdedi. Sondaı-aq Qytaıdyń «bir el, eki júıe» týraly josparyn qabyldamaıtynyn taǵy da qaıtalap aıtty. «Ulttyń bolashaǵy – Taıvan halqynyń qolynda», delingen prezıdent ákimshiligi jarııalaǵan habarlamada.
AQSh Memlekettik departamentiniń ókili Vashıngtonnyń Taıvanǵa qatysty ustanymy ózgerissiz qalatynyn qaıtalap, amerıkalyqtar Taıvan halqynyń tilekteri men múddelerin eskerip, óńirdegi máselelerdi beıbit jolmen sheshýdi qoldaıtynyn jetkizgen.
«Biz Beıjińniń Taıvanǵa qarsy áskerı, dıplomatııalyq jáne ekonomıkalyq qysymyn toqtatyp, Taıvanmen mańyzdy dıalog júrgizýge shaqyramyz», dedi baspasóz hatshysy.
Aqparat quraldarynyń habarlaýynsha, Qytaı áýe kúshteri 1 qazannan bastap Taıvannyń áýe keńistigin buzyp kirgen. Oǵan 150 -ge jýyq ushaq qatysqan, alaıda bul zańsyzdyq aıaqtaldy.
