Túrkistan oblysy PD JPQ tabıǵatty qorǵaý ınspektorlary Arys aýdany aýmaǵynda brakonerliktiń kezekti deregin anyqtady. Iаǵnı júrgizilgen jedel-profılaktıkalyq is-sharalar barysynda Jıdeli aýylynyń mańynda jabaıy ańdardy zańsyz aýlaǵan kúdiktilerdi ustady. Olar buǵan deıin urlyq jasaǵany úshin sottalǵan Arys aýdanynyń eki turǵyny bolyp shyqty. Anyqtaı kele, kúdiktilerdiń keshki saǵat 22:20-da jaıylymdardyń birinde Qyzyl kitabyna engizilgen jabaıy qoıan men qaraquıryqty atyp óltirgeni belgili boldy.
Tekserý kezinde polıseıler kúdiktilerden aýlanǵan janýarlardyń etin (ushasyn), sondaı-aq tirkelmegen 16 kalıbrli ańshy myltyǵy men bir dana jaryqsham tárkiledi. Brakonerler aýdandyq polısııa bólimine tolyq mánjaıdy odan ári tekserý úshin jetkizildi.
Bul jaıt Arys APB-de QK 337-baby 4-bóligi (Zańsyz ań aýlaý) boıynsha SDTBT-ǵa tirkeldi. Qazirgi ýaqytta sotqa deıingi tergeý amaldary júrgizilýde.
