Petropavl qalasy ákimdiginiń málimetinshe, búgin apparat keńesinde turǵyn úılerdi buzý boıynsha josparlanǵan jumystar talqyǵa tústi. Jyl basynan memlekettik qajettilik úshin 468 jer ýchaskesi jáne jyljymaıtyn múlik ıelikten shyǵaryldy. Jalpy bıyl barlyǵy 700 turǵyn úıdi buzý josparlanǵan. Súrilip jatqan jeke turǵyn úılerdiń basym bóligi eskirgen. Olardyń burynǵy ıeleriniń 90%-y kópqabatty úılerden páterler tańdady. Osylaısha, 423 otbasy ózderiniń turǵyn úı jaǵdaılaryn jaqsartyp otyr.
«Kóppáterli turǵyn úılerdiń qurylysyn júrgizý úshin «Jas órken» shaǵynaýdanynyń Gorkıı-Altynsarın-Pozolotın, Gorkıı-Ismaılov-Altynsarın kósheleri shekarasynda, «Ortalyq» shaǵynaýdanynyń Brýsılovskıı-Astana, «Kopaı» shaǵynaýdanynyń Jumabaev-Krepostnaıa kósheleri shekarasynda jeke turǵyn úıler buzylady. Jumystar josparǵa sáıkes júrgizilip jatyr», delingen habarlamada.
Keler jyly Petropavlda bul jumystar jalǵasyn tappaq. Jeke turǵyn úıler qurylysty jandandyrý úshin «Jas órken», «Ortalyq», «Kopaı», «Bereke» shaǵynaýdandarynda jalǵasady.
