Qala tarıhynda birinshi ret paıdalanýǵa beriletin turǵyn úılerdiń jalpy alańy 1 mln sharshy metrdi quraıtyn bolady. Onyń ishinde 109 kópqabatty turǵyn úıdiń qurylysy aıaqtalyp, barlyǵy 6708 páter paıdalanýǵa beriledi.
Salaǵa baǵyttalǵan qarjynyń 44 paıyzyn nemese 48,7 mlrd teńgesin jeke ınvestısııa quraıdy. «Shymkent» ÁKK» JShS-gi arqyly 18 turǵyn úıdiń qurylysy júrgizilse, jeke qurylys kompanııalary tarapynan 58 turǵyn úı keshenderi salynýda.
Bıýdjet esebinen 4832 páterli 79 kópqabatty turǵyn úıdiń qurylysy bastaldy. Onyń ishinde 22 – arendalyq, 57 – kredıttik úılerdiń qurylystary júrgizilýde.
Jyl sońyna deıin 2432 páterli 39 turǵyn úıdiń qurylysy aıaqtalady. Arendalyq 6 úı men kredıttik 33 úıdiń jalpy alańy 141 myń sharshy metrdi quramaq.
Qazirgi tańda 46 myńnan astam azamat turǵyn úı kezeginde tur. Jeńildetilgen nesıelik shartpen 2096 páter berý josparlansa, jumys isteıtin jastarǵa, kópbalaly analarǵa jáne halyqtyń álsiz áleýmettik toptaryna jatatyn turǵyndarǵa arnalǵan 1916 kommýnaldyq páterler paıdalanýǵa beriledi. Halyqtyń az qamtylǵan sanattary úshin 500 turǵyn úı sertıfıkaty beriledi.
