ShQO Tótenshe jaǵdaılar departamenti baspasóz qyzmetiniń málimetine súıensek, 8 qazanda О́skemendegi Severnaıa kóshesinde ornalasqan jeke turǵyn úıde órt shyqqan. Sharýashylyq qora-jaılarǵa jaıylǵan qyzyl jalynnyń jalpy aýdany 75 sharshy metrdi qurady. Oqıǵa ornyna shuǵyl kelip jetken órt sóndirýshiler kóp uzamaı tilsiz jaýdy tolyqtaı aýyzdyqtady.
«9 Qazanda Aıagóz qalasynda 2000 jyly qurastyrylǵan «Vaz 21102» avtokóligi otqa orandy. Qozǵaltqyshtyń janǵysh bólshekteri, salonnyń ishki qaptamasy, aspaptar paneli, aldyńǵy jáne artqy shınalar janǵan. Qutqarýshylar 7 sharshy metrdi sharpyǵan órtti óshirdi», delingen aqparatta.
Sondaı-aq elektr jabdyqtaryn montajdaý jáne paıdalaný kezinde qaýipsizdik talaptaryn saqtamaý О́skemendegi Delegatskaıa kóshesinde órttiń shyǵýyna sebep boldy. Jeke turǵyn úı aýlasyndaǵy sharýashylyq qurylystardyń shatyry janǵan.
«Sol kúni «Irtyshskıı stroıtel» saıajaı qoǵamdastyǵynda ornalasqan monsha órtendi. Jalyn shyǵýynyń sebebi – elektr jabdyqtarynyń apattyq rejımi. Departament qyzmetkerleri aýmaǵy 27 sharshy metrge jetken órtti aýyzdyqtady. Budan bólek, 10 qazan kúni Tarbaǵataı aýdanynda 22 tonna pishen janyp ketti», delingen habarlamada.
