Muǵalimderdiń jalaqysy ósti

Keshe ǵana kóterilgen ja­la­qy alǵan Shyǵys Qazaqstan teh­nıkalyq ýnıversıtetiniń pro­fes­­sorlyq-oqytýshylyq qu­ra­my aılyǵynyń artqanyna qýanyp júr. Mynaý qym­batshylyq zamanda zań qabyl­da­ǵan Prezıdent Qasym-Jomart Toqaevqa, eren eńbegimen ustaz­dar­dyń alǵysyn arqalap júrgen Bilim jáne ǵylym mınıstri Ashat Aımaǵambetovke muǵalimder qa­ýy­my rıza.
Esterińizde bolsa, Qazaq­stan­da jańa 2021-2022 oqý jy­lynan bastap Memleket bas­shy­synyń qoldaýymen Bilim jáne ǵylym mınıstrligi Joǵary oqý oryndarynyń shtattyq qyz­metkerlerine eń tómengi jalaqyny belgileý, sondaı-aq pedagogıkalyq júktemeni azaıtý týraly buıryq qabyldady. Soǵan oraı atalǵan oqý ornynda ǵylymı-pedagogıkalyq qyz­met­kerlerdiń jalaqysy 1 qyr­kú­ıekten bastap aıtarlyqtaı jo­ǵa­rylady.
Tehnıkalyq ýnıversıtet rektory Jasulan Shaımardanovtyń málimeti boıynsha shtattaǵy oqy­tý­shynyń bazalyq jalaqysy 200 myń teńgeni, aǵa oqytýshynyń jalaqysy 230 myń teńgeni, professorlar qaýymdastyǵynyń (dosenttiń) jalaqysy 260 myń teńgeni, professordyń jalaqysy 350 myń teńgeni qurady.
– Bir mólsherlemeniń maksımaldy kólemi endi oqý jyly ishinde 550 saǵattan aspaıdy, ıaǵnı oqý júktemesi tómendetildi. О́zgeris professorlyq-oqy­tý­shy­lyq qu­ramnyń ǵylymı qyzmetpen aınalysýyna kóbirek múmkindik berý men ýaqytyn qamtamasyz etýge arnalǵan, – dep túsindirdi Jasulan Shaımardanov.
Sonymen qatar JOO oqytý­shyl­ary úshin yntalandyrý ús­te­meleri de qarastyrylǵan. Osy­laısha, Hırsha ındeksi bar (ǵylymı jarııalanymdar mas­sıvi) – 3 jáne odan joǵary; bilim berý baǵdarlamalaryna jetekshilik etetin; BǴM usynǵan oqýlyqtardy jarııa­laıtyn; ROÁK usynǵan oqý-ádistemelik quraldardy shyǵarýmen aınalysatyn pedagogter jalaqyǵa ús­te­me­­aqyny qosa alady. Qosa aıta keterligi, oqy­tý­­shy­­lar jalaqy bonýs­ta­ryn stýdent­terdiń pándik olım­­­pıa­da­lardaǵy, sporttyq ja­­rys­tar­daǵy, BǴM usynǵan SǴZJ konkýrstaryndaǵy eleýli je­tis­tikteri úshin, son­daı-aq ká­sibı baǵyt boıynsha ha­lyqa­ra­lyq deńgeıde sertı­fı­kat­talǵan kýrs­ty meńgergeni úshin ala alady.
JOO oqytýshylarynda IELTS Academic, TOEFL IBT, TOEFL PBT, TOEIC halyqaralyq ser­tı­fıkattarynyń, Teaching Knowledge Test aǵylshyn tili ser­tı­fıkatynyń, Qaztest sertı­fı­k­atynyń (Ana tili emes) bolýy qosymsha tólemder úshin negiz bolyp tabylady.
Mysaly, «A» muǵaliminiń IELTS sertıfıkaty (KazTest) bar eń tómengi jalaqysy 245 myń teńge, aǵa oqytýshy «B» (ǵy­lymı dárejesi bar) Hırsh ındeksi 3 jáne IELTS sertıfıkaty (KazTest) bolsa, 338 myń teńge bolady, Hırsh ındeksi 5 jáne IELTS sertıfıkaty (KazTest) bar «S» qaýymdastyrylǵan professor (dosent) 378 myń teńgeni quraıdy, Hırsh ındeksi 10 men IELTS sertıfıkaty bar «D» professoryniki (KazTest) 540 myń teńgeni quraıdy.
– Ǵylymmen aınalysqan mu­ǵalim turmystyq máse­le­ler­ge kóp alańdamaýy kerek. Ondaı bolsa, jumystyń sapasy ketedi. Belgili bir nátı­je­ge qol jetkizý múmkindigi qıyn­daıdy. Sondyqtan JOO oqytý­shy­larynyń jalaqysyn ındeks­teý óte mańyzdy ári ýaqtyly jasalǵan qadam dep sanaımyn. Laıyqty eńbek laıyqty tólemge saı bolǵany durys, – deıdi fızıka-matematıka fakýlteti ­de­ka­­nynyń orynbasary Gaýhar Tájibaeva.