Álem birinshiligine Qazaqstan komandasynan bes sportshy qatysady. Jekelegen snarıadtarda ár komandadan úsh gımnastan baq synaýǵa múmkindik beriledi. Erkin jattyǵýda Mılad Karımı, Ilııas Azızov, Farýh Nabıev synǵa túsedi.
Gımnastıkalyq at snarıadynda Narıman Qurbanov, Ilııas Azızov pen Mılad Karımıge senim artamyz. Shyǵyrshyq pen qol tirep sekirýden Karımı jáne Nabıev baq synaıdy. Qossyryqtaǵy jattyǵýǵa Karımı men Nabıevten bólek, Ilfrat Imardjanov qatysady.Al gımnastıkalyq kermedegi jattyǵýda Karımı, Nabıev jáne Azızov el namysyn qorǵaıdy», deıdi bas bapker.
Al kópsaıysta Mılad Karımı synǵa túsedi.
«Komanda múshederi Reseıdiń Penza qalasynda kishigirim daıyndyqtan ótti. Bizdiń maqsatymyz – kópsaıystan, erkin jattyǵý, gımnastıkalyq at jáne kermedegi jattyǵýdan fınalǵa ótý. Árıne, negizi mindetimiz – medal alý.Álem chempıonattaryndaǵy jalǵyz medaldi 1997 jyly ıelenppiz. Sol jyly Sergeı Fedorchenko qol tirep sekirýden altyn alǵan bolatyn. Álem chempıonatyna 56 memleketten 300-den asa sportshy qatysady. Áli de tolyǵýy múmkin», deıdi Aleksandr Kım.
