Eýropada COVID-19-dyń taralýy Bolgarııa bıliginiń jańa sanksııalar engizý týraly sheshimine áser etti. Birden eldiń birneshe aımaǵynda koronavırýs pandemııasyna baılanysty jańa shekteýler kúshine endi. Vıdın jáne Pernık qalalarynda sport zaldary men oıyn-saýyq oryndary jabyq, ýnıversıtetter men kolledjderdegi sabaqtar qysqartylǵan formatta ótedi.
Slıven men qala mańynda mýzyka mektepteri, balalar men jasóspirimder shyǵarmashylyq ortalyqtary, teatrlar, kınoteatrlar jáne birneshe iri sýpermarketter jumys istemeıdi. Meıramhanalar men kafeler saǵat 22.00-ge deıin qyzmet kórsetedi. Qazirgi ýaqytta Bolgarııada COVID-19-ben aýyratyn azamattardyń sany 521 myńnan asty, 21 656 naýqas qaıtys boldy.
Japonııa Premer-Mınıstri Fýmıo Kısıda Parlamenttegi plenarlyq otyrysta azamattardy COVID-19-ǵa qarsy egýdiń úshinshi merzimi ózgergenin aıtty. Buǵan deıin vaksınanyń úshinshi dozasyn kelesi jyldyń basynda ege bastaý josparlanǵan bolatyn. Biraq vırýstyń taralýy ımmýndaýdy jeltoqsanǵa aýystyrdy.
«Biz úshinshi dozamen vaksınasııany jeltoqsannan bastap erterek bastaýǵa daıyndalyp jatyrmyz», dedi Kısıda.
Birinshi kezekte, egde jastaǵy azamattar men juqtyrý qaýpi joǵary toptaǵy adamdar egiletin bolady.
