Memleket basshysy AО́SShK Syrtqy ister mınıstrleri Keńesiniń 6-otyrysyna qatysý úshin elimizge kelgen Túrikmenstan Mınıstrler kabıneti tóraǵasynyń orynbasary – Syrtqy ister mınıstri Rashıd Meredovty qabyldady.
Memleket basshysy Túrikmenstan ótkizgen Ortalyq Azııa memleketteri basshylarynyń úshinshi Konsýltatıvtik kezdesýinde yntymaqtastyqty odan ári kúsheıtý ári jańa múmkindikterge jol ashý maqsatymen ózekti máseleler talqylanǵanyn atap ótti. Qasym-Jomart Toqaev túrikmenstandyq dıplomatqa AО́SShK Syrtqy ister mınıstrleri Keńesiniń 6-otyrysyna qatysyp, Qazaqstannyń bastamalaryna qoldaý kórsetkeni úshin rızashylyǵyn bildirdi.
Kezdesýde Qazaqstan-Túrikmenstan qarym-qatynasynyń saıası, saýda-ekonomıkalyq salalary men aımaqtyq qaýipsizdik máseleleri talqylandy. Sonymen qatar Túrikmenstanda ótetin VI Kaspıı sammıtine daıyndyq barysy qarastyryldy.
Rashıd Meredov Qazaqstan Prezıdentine qabyldaǵany úshin alǵys bildirip, Túrikmenstan Prezıdenti Gýrbangýly Berdimuhamedovtiń óz eline memlekettik saparmen kelýge shaqyrýyn tabys etti.
Qasym-Jomart Toqaev shaqyrtýdy qabyl alatynyn aıtyp, barlyq saladaǵy qazaq-túrikmen yntymaqtastyǵyna tyń serpin berý maqsatynda jýyq arada Ashhabadqa saparmen baratynyn jetkizdi.
