Sadyr Japarov «Qyrǵyz Respýblıkasy Mınıstrler Kabınetiniń ornynan túsýi týraly» Jarlyqqa qol qoıdy, dep habarlady Qyrǵyzstan prezıdentiniń baspasóz qyzmeti.
Jarlyqqa sáıkes, Qyrǵyz Respýblıkasy Mınıstrler Kabınetiniń qazirgi quramy otstavkaǵa ketti.
Qyrǵyz Respýblıkasy Mınıstrler Kabınetiniń músheleri qyzmetin atqarǵan adamdar Qyrǵyz Respýblıkasy Mınıstrler Kabınetiniń jańa quramy qurylǵanǵa deıin óz mindetterin atqarýdy jalǵastyratyn bolady.
Sonymen qatar Japarov qol qoıǵan Jarlyqqa sáıkes Ulyqbek Máripov Qyrǵyz Respýblıkasy Mınıstrler Kabıneti tóraǵasynyń mindetin atqarýdan bosatyldy.
Qyrǵyzstan Respýblıkasynyń Mınıstrler Kabıneti tóraǵasynyń mindetin atqarýshy - Qyrǵyzstan Respýblıkasynyń Prezıdenti Ákimshiliginiń Basshysy bolyp, Japarovtyń basqa Jarlyǵyna sáıkes Aqylbek Japarov taǵaıyndaldy.
