Osydan bir aı buryn Aýǵanstandaǵy gýmanıtralyq operasııalardy júrgizýge 606 mıllıon dollar qajet ekendigi aıtylǵan. BUU bul somanyń tek 35 paıyzyn ǵana kómek retinde jınaǵan. Qarajat aýǵan ekonomıkasynyń tolyqtaı kúıreýin boldyrmaý úshin qajet. BUU-nyń Bas hatshysy Antonıý Gýterrısh bul týraly Aýǵanstan boıynsha tótenshe kezdesýge jınalǵan «Úlken jıyrmalyq» kóshbasshylaryna eskertti.
«Aýǵanstan ózgeristi kezeń aldynda tur», dedi BUU Bas hatshysy.
BJKB ókili Babar Baloh Kabýlda el ishinde qonys aýdarǵan júzdegen aýǵandyqqa tótenshe qoldaý kórsetý maqsatynda Basqarmanyń Aýǵanstanmen shekaralas elderinde logıstıkalyq ortalyqtar qurýmen aınalysyp jatqanyn málimdedi.
«Tún salqyn bola bastady, sol sebepti úı-jaısyz qalǵan adamdarǵa jedel túrde kómek qajet», dedi Baloh.
Onyń aıtýynsha, kómek qajet etetin aýǵandyqtardyń sany 20 mıllıonǵa jetti jáne kún saıyn kóbeıip jatyr. BUU-nyń habarlaýynsha, búgingi kúni aýǵan otbasylarynyń tek bes paıyzy ǵana durys tamaqtanýda. Bes jasqa deıingi balalardyń jartysynan astamy ashtyqtyń zardabyn shegýde.
