Ulttyq qurama 2021/2022 jylǵy maýsymdy Beıjińde álem kýboginen bastaıdy. Osyǵan oraı bas bapker Mádiǵalı Qarsybekov Olımpıada qarsańynda joldama úshin janyn salatyn sportshylar esimin ataǵan bolatyn. Jańa maýsymda 12 sportshy short-trekten álem kýbogi kezeńderine qatysyp, joldamany sarapqa salady.
Elordada ótip jatqan oqý-jattyǵý jıyndarynda bapker basty maqsat - tórtjyldyqtyń basty dodasyna joldama jeńip alý kerek ekenin de jasyrmady.
«Qazirgi tańda eń birinshi maqsatymyz, josparymyz - Olımpıada oıyndaryna lısenzııa alý. Lısenzııaǵa ıe bolǵannan keıin Olımpıadaǵa daıyndyqqa kirisemiz», dedi Mádiǵalı Qarsybekov.
Aıta keterligi, short-trekshiler 16 qazanǵa deıin el astanasyndaǵy Alaý muz aıdynynda daıyndyǵyn jalǵastyrady.
