Sonyń nátıjesinde endi «Samuryq-Qazynanyń» kompanııalar tobyndaǵy kásiporyndar bos jumys oryndary týraly aqparatty elektrondy eńbek bırjasyna da ornalastyra alady.
«Jalpy, biz Elektrondy eńbek bırjasyndaǵy bos jumys oryndarynyń aıasyn únemi keńeıtip otyrýǵa tyrysamyz. Iаǵnı jumys izdegen adamǵa bul barynsha kóp múmkindik beredi. Endi elektrondy eńbek bırjasy men Qordyń portaly yqpaldasqannan soń, jumys izdegen adamǵa qosymsha «Samuryq-Qazyna» AQ kompanııalar tobyna kiretin 170-ten astam uıymnyń bos oryndary qoljetimdi bolady», dedi «ERDO» AQ prezıdenti Dáýlet Arǵyndyqov.
Qazirgi tańda Qorǵa kiretin 59 kompanııa 900-ge jýyq bos jumys orny týraly aqparatty elektrondy eńbek bırjasyna ornalastyryp úlgergen. Osy 900 bos jumys ornynyń 650-den astamy turaqty jumys bolyp sanalady.
Al «Samuryq-Qazyna» Korporatıvtik ýnıversıtetiniń dırektory Beksultan Bekmuratovtyń aıtýynsha, eki portaldy biriktirý eńbek naryǵyndaǵy úlken qadamdardyń biri boldy.
«Eki portaldy biriktirý arqyly qazaqstandyqtarǵa jumysty tez ári tıimdi izdeýge múmkindik ashylady. Al «Samuryq-Qazyna» AQ tobynyń kompanııalary úshin izdenýshilerdiń sany kóbeıip, sonyń nátıjesinde bilikti mamandardy neǵurlym sapaly irikteýge bolady. О́z kezeginde Elektrondy eńbek bırjasynyń portaly jańa jáne ózekti bos oryndarmen tolyǵyp otyrady», deıdi B.Bekmuratov.
Jumys izdegen adamdar qosymsha aqparatty enbek.kz jáne qsamruk.kz saıttarynan taba alady.
