Jyl saıyn Qazaqstan álemniń túrli elderine eksportqa 7-8 mln tonna astyq pen un jiberedi. Bul rette Aýǵanstan qazaqstandyq bıdaı men undy ótkizýdiń basty jáne dástúrli naryqtarynyń biri bolyp qala beredi. 2020 jyly bul elge QR-da óndirilgen astyq ekvıvalentindegi eki mln tonnadan astam astyq pen un jóneltildi.
QazTrade derekteri boıynsha, Qazaqstan Respýblıkasynyń aýmaǵynda jumys isteıtin 300 un eksporttaýshynyń 183-i ózge de, aýǵan naryǵymen de ózara is-qımyl jasaýda. Taǵy 49 júk tek Aýǵanstanǵa jóneltiledi. Eksporttaýshylarda jolǵa qoıylǵan kólik dálizderi men jańa bılik kezinde de jumysyn jalǵastyryp kele jatqan bıznes-baılanystar bar.
Aýǵanstandaǵy saıası ahýaldyń ózgerýi barlyq áriptes eldermen, onyń ishinde Qazaqstanmen saýda operasııalarynyń toqtatyla turýyna ákeldi. Biraz ýaqyt boıy bankaralyq tranzaksııalar men temirjol vagondaryn jetkizý múmkin bolmady, óıtkeni ıeleri olardyń qaýipsizdigi men qaıtarylýynan qoryqty. Alaıda, qazirgi ýaqytta problemalar sheshildi: tranzaksııalar úshinshi elderdiń bankteri arqyly júzege asyrylady, vagondardy berý qalpyna keltirildi.
Qyrkúıek pen qazan aıynyń basynda Qazaqstannan Aýǵanstanǵa 60,2 myń tonna un jáne 15,6 myń tonna astyq jóneltildi. Keıinnen jetkizý qarqyny artatyn bolady.
Eksportqa shekteýler engizý tabıǵı jaǵdaılarǵa baılanysty ótken jylmen salystyrǵanda tómen ónim alǵan fermerlerdiń qarjylyq jaǵdaıyna áser etetindigin atap ótken jón.
Sonymen qatar, agrarshylar ónimdilikti arttyrý boıynsha jumysty kúsheıtýi qajet. Bul aýyspaly egisti saqtaý, tyńaıtqyshtardy engizý kólemin arttyrý jáne zamanaýı tehnologııalardy engizý. Tıisti qoldaý sharalary 2021-2025 jyldarǵa arnalǵan AО́K damytý jónindegi Úkimet jaqynda maquldaǵan Ulttyq jobada kózdelgen.
