Álem • 14 Qazan, 2021

Prezıdent ekpe alýdan bas tartty

1010 ret

kórsetildi

1 mın

oqý úshin

Brazılııa Prezıdenti Jaır Bolsonarý COVID-19 vaksınasyn saldyrmaıtynyn aıtty, dep habarlaıdy Egemen.kz.

Gaýhar QAPASh

Bul týraly Notimérica saıty málimdedi.

Basylymnyń málimetinshe, buǵan deıin Brazılııa Prezıdenti vaksına saldyrǵan «sońǵy Brazılııalyq» bolatynyn aıtqan bolatyn.

«Men vaksına saldyrmaımyn dep sheshtim. Jańa zertteýlerdi qarap jatyrmyn, mende ımmýndaýdyń eń joǵary deńgeıi bar, nege vaksına saldyrýym kerek? Bul lotereıadan utys utý úshin 10 real tikkenmen birdeı», dedi Prezıdent.

Bolsonarý sonymen qatar Brazılııanyń keıbir iri qalalarynda belgili bir qoǵamdyq oryndarǵa kirý úshin vaksınasııalanǵan adamdarǵa beriletin sanıtarlyq ruqsat qaǵazdaryna úzildi-kesildi qarsy.

«Men úshin bostandyq bárinen joǵary. Eger azamat vaksına alǵysy kelmese, bul onyń quqyǵy», dedi Bolsonarý.

Brazılııanyń 213 mıllıon halqynyń 100 mıllıonǵa jýyǵy COVID-19-ǵa vaksınasyn tolyqtaı saldyrdy, taǵy 50 mıllıon adam vaksınanyń alǵashqy dozasyn aldy. Brazılııa ótken aptada aýrý juqtyrýdan AQSh-tan keıingi ekinshi oryndy aldy, 600 myń adam koronavırýstan qaıtys boldy.

Aıta keteıik, Brazılııa Prezıdenti pandemııa bastalǵannan beri birneshe ret sarapshylardyń úndeýlerin elemeı, maska kııýden bas tartyp, oqshaýlaý sharalaryn qoldanýǵa qarsy boldy.