Júk kólikteriniń júrgizýshilerine otyn alý úshin táýlik boıy turýǵa týra keledi. Sonyń saldarynan óńirdegi eki birdeı shalǵaı aýylǵa kómir jetpeı qalǵan. Tenderdi jeńip alǵan kompanııa jylý maýsymy bastalǵansha qajetti otyndy tasyp úlgirmepti. Al jergilikti bılik áleýmettik nysandardy qatyryp almas úshin kómirdi qaryzǵa alyp amaldaǵan. Aımaqta kómir tapshylyǵy joq. Shahtalar óndiris qýatyn odan ári ulǵaıtýǵa daıyn. Bar másele otyndy tasıtyn temirjol vagondarynyń jetispeýinen týyp otyr.
«Kómirdi ýaqytynda jetkizýge vagondar jetkiliksiz. Bul másele jylda týyndaıdy. Bar kómirdi tası almaımyz. Sondyqtan respýblıkalyq deńgeıde úlken park quryp, vagondar sanyn ulǵaıtatyn kez keldi. Sonda jumys bir júıege túsedi», dedi О́nerkásip jáne ındýstrııaldy-ınnovasııalyq damý basqarmasy basshysynyń orynbasary Qaırat Shormanbaev.
