Uzyndyǵy 768 shaqyrym bolatyn (Shyǵys Qazaqstan oblysynyń aýmaǵy boıynsha – 454 km, Almaty oblysynyń aýmaǵy boıynsha – 314 km) «О́skemen-Taldyqorǵan» avtojolyn salý jobasy boıynsha Úkimet basshysyna negizgi jumystardyń aıaqtalǵany jáne jyl sońyna deıin avtomobıl qozǵalysynyń ashylatyny týraly baıandaldy.
Uzyndyǵy 415 shaqyrymǵa sozylatyn «Qalbataý-Maıqapshaǵaı» tas jolyn rekonstrýksııalaý jobasy boıynsha 127 shaqyrym jolda qozǵalys ashyldy, jumystardy 2022 jyly tolyq aıaqtaý josparlanǵan.
«Úsharal-Dostyq» avtojoly boıynsha 180 shaqyrymnan 145 shaqyrym jol paıdalanýǵa berildi, jumystardy 2022 jyldyń birinshi jartyjyldyǵynda tolyq aıaqtaý josparlanǵan.
Qaraǵandy oblysynda Premer-Mınıstr jalpy uzyndyǵy 946 shaqyrym bolatyn «Qaraǵandy-Balqash-Býrylbaıtal-Kúrti-Qapshaǵaı» avtomobıl jolyn rekonstrýksııalaý barysyn tekserdi. Bıyl tórt jolaqty jol boıynsha 765 shaqyrym jolda qozǵalys qamtamasyz etiledi. «Merki-Býrylbaıtal» (262 km) avtojoly boıynsha qozǵalys tolyq ashylady.
О́skemen qalasynda Úkimet basshysyna halyqaralyq áýejaıdyń ushý-qoný jolaǵyn rekonstrýksııalaýdyń aıaqtalǵany týraly baıandaldy – UQJ uzyndyǵy 2800 m deıin, eni 60 m deıin ulǵaıtyldy. Asfaltbeton jabynyn tolyq aýystyrý júrgizildi, jaryq-sıgnaldyq jabdyqtyń jańa júıesi ornatyldy. 30 tonnalyq júk termınalynyń jáne 100 tonnalyq ýaqytsha júk saqtaý qoımasynyń qurylysyn aıaqtaý josparlanǵan.
Sondaı-aq, Premer-Mınıstrge Úsharal qalasyndaǵy áýejaıdyń ushý-qoný jolaǵyn rekonstrýksııalaý barysy týraly baıandaldy, ol 2022 jylǵy 1 mamyrda aıaqtalady. 2021 jyly Qazaqstanda 8,4 myń shaqyrym avtojol qurylys jáne qaıta jańartý jumystarymen qamtyldy, onyń ishinde respýblıkalyq mańyzy bar joldar – 5 myń shaqyrym, jergilikti jeli – 3,4 myń shaqyrym. Jol-qurylys jumystaryna 200 myńǵa jýyq adam tartylǵan. Bıyl elimizdegi 5,1 myń shaqyrym jolda jumystar aıaqtalady.
Qalǵan jumys kólemi ótpeli jáne 2022 jyly oryndalatyn bolady. Jumys saparyna Shyǵys Qazaqstan oblysynyń ákimi Danıal Ahmetov, Almaty oblysynyń ákimi Amandyq Batalov, Qaraǵandy oblysynyń ákimi Jeńis Qasymbek, ındýstrııa jáne ınfraqurylymdyq damý vıse-mınıstri Berik Qamalıev, «QazAvtoJol» UK» AQ basqarma tóraǵasy Asqar Muratuly jáne t. b. qatysty.
