«Halyqqa sapaly qyzmet kórsetý kóbinese biliktilikke jáne qajetti mamandardyń bolýyna baılanysty, sondyqtan ulttyq jobanyń birinshi baǵyty sheńberinde tapshy mamandyqtar boıynsha rezıdentýranyń bilim berý granttarynyń sany 3800-ge deıin, sondaı-aq álemniń jetekshi ortalyqtarynda qarqyndy terapııanyń halyqaralyq standarttary boıynsha oqytylǵan dárigerlerdiń sany ulǵaıtylatyn bolady», dedi Alekseı Soı.
Densaýlyq saqtaý mınıstrliginiń basshysy pandemııa sanıtarlyq-epıdemıologııalyq qyzmetti jańǵyrtý qajettigin kórsetkenin jáne Memleket basshysynyń 2021 jylǵy 1 qyrkúıektegi Qazaqstan halqyna Joldaýyn iske asyrý aıasynda ulttyq jobanyń ekinshi baǵytynda bıoqaýipsizdik salasyndaǵy halyqaralyq standarttarǵa sáıkes keletin sanıtarlyq-epıdemıologııalyq saraptama zerthanalarynyń úlesin 61%-dan 90%-ǵa deıin arttyrý josparlanǵanyn atap ótti (sanepıdsaraptaýdyń keminde 12 zerthanasy joǵary tehnologııalyq jabdyqpen jaraqtandyrylady).
QR Parlamentiniń Májilisine engizilgen «Bıologııalyq qaýipsizdik týraly» QR Zańy qabyldanady, sondaı-aq ulttyq jáne jahandyq táýekelderge boljamdaý men den qoıýdyń ǵylymı negizdelgen júıesin engizý josparlanýda.
