Jańa týǵan nárestelerdiń patronajy degenimiz ne?
Jańa týǵan nárestelerdiń patronajy – aýrýdyń aldyn alý, ata-analardy balanyń úılesimdi damýy úshin oǵan durys kútim jasaýǵa úıretý maqsatynda perzenthanadan shyqqannan keıin úıdegi kishkentaı pasıentti belsendi baqylaý júıesi. Aıta ketý qajet, anasy men balasy aýrýhanadan táýlik boıy medısınalyq baqylaý úshin medısınalyq kórsetkishter bolmaǵan kezde jáne qanaǵattanarlyq jaǵdaıda ǵana shyǵarylady. Bala úıge shyǵarylǵannan keıin perzenthana ol týraly aqparatty odan ári baqylaý úshin naqty turatyn jeri boıynsha emhanaǵa beredi.
Erejege sáıkes, medbıke alǵash ret kishkentaı pasıentke aýrýhanadan shyqqannan keıin 1-3 kúnnen keshikpeı barýy kerek. Perınataldy jáne týa bitken patologııa belgileri bar shala týylǵan nárestelerdi shyǵarylǵan kúni birden qaraýǵa tıisti. Eger bul kún demalys nemese mereke kúnderine tússe, mundaı nárestelerge kezekshi pedıatr-dáriger barady.
Balalar ýchaskelik medbıkesi balaǵa ómiriniń birinshi aıynda ár 7 kún saıyn 28 kún tolǵanǵa deıin barady. Sodan keıin ol anasy men balasyn bir aılyq jasynda emhanaǵa alǵashqy tekserýge shaqyrady.
Bıyl 8 aıdyń ishinde medbıkeniń jańa týǵan nárestege úıge patronajdyq barý qyzmeti 1,5 mln-nan astam ret kórsetildi.
Nárestelerdiń úıdegi patronajyna ne kiredi?
Balaǵa birinshi ret barǵan kezde medbıke ata-anasymen tanysady, tólqujat málimetterin, sondaı-aq balanyń barlyq derekterin jazady, sonymen qatar anaǵa densaýlyǵyna baılanysty suraqtar qoıady, ana men balany hattama boıynsha tekseredi. Medbıkeniń mindeti: ana men balanyń densaýlyǵy týraly suraý (shaǵymdar, sút bezderiniń jaǵdaıy, fızıkalyq belsendilik, tamaqtaný, uıqy, kontrasepsııa); ananyń kóńil kúıin baǵamdaý, úı ortasynyń qaýipsizdigin jáne jańa týǵan náresteniń qajettilikterine baǵam jasaý; anany sábıge kútim jasaý erejeleri, bala emizý prınsıpteri, temperatýralyq rejimdi saqtaýdyń mańyzdylyǵy, bala kútimine otbasynyń qatysýyn habardar etý, keńes berý jáne úıretý; balany tekserý jáne qaýipti belgiler anyqtalǵan jaǵdaıda dereý ýchaskelik dárigerge habarlaý; otbasyna dereý medısınalyq uıymǵa júginýdi qajet etetin aýrýdyń qaýipti belgilerin úıretý, bul – tamaqtaný problemalary, jańa týǵan náresteniń belsendiliginiń tómendeýi, mınýtyna 60-tan astam tynys alýdyń jıileýi, tynys alýdyń qıyndaýy, qyzba nemese temperatýranyń tómendeýi, qurysýlar, qaltyraý jáne basqalar; vaksınalaý merzimi týraly habarlaý; balanyń ómirine, densaýlyǵyna, qaýipsizdigine jáne damýyna qaýip tóndiretin áleýmettik qaterlerge bastapqy baǵalaý júrgizý jáne ony anyqtaǵan jaǵdaıda ambýlatorlyq-emhanalyq kómek kórsetetin emhananyń áleýmettik qyzmetkerine habarlaý; qosymsha kómekke muqtaj balalardy anyqtaý jáne olar úshin jeke barýdy josparlaý (týý kezinde dene salmaǵy tómen balalar, AITV juqtyrǵan analardan týǵan nemese aýyrǵan balalar).
Munyń barlyǵyn balaǵa odan ári patronaj jasaý kezinde eskerý mańyzdy.
Jańa týǵan nárestege barǵannan keıin medbıke ne isteýi kerek?
Emhanadaǵy jumys ornynda medbıke kishkentaı pasıentti BHT AJ-da tirkeıdi («Bekitilgen halyq tirkelimi» aqparattyq júıesi), balanyń ambýlatorlyq kartasynda tekserý nátıjeleri týraly jazba jasaıdy, ýchaskelik pedıatr dárigerge úıde tekserýdiń nátıjeleri týraly habarlaıdy.
Eger medbıke sábıdiń densaýlyǵynda ortasha jáne joǵary qaýipti anyqtasa, ol JPD dárigerge, aǵa meıirbıkege, emhana meńgerýshisine medısınalyq uıym osyndaı balany baqylaýda ustaýy úshin jáne dáriger qaýip dárejesi men faktorlaryna sáıkes jeke baqylaý josparyn ázirleýi úshin habarlaıdy.
