Jaýapkershiligi mol joldy tańdaǵandar qatary qalyń

Qazirgi ýaqytta konkýrstyq irik­teý­diń árbir kezeńiniń ádil ári ashyq ótýi qamtamasyz etilgen. Bul ashyqtyq irikteýdiń birinshi kezeńi – testileýden bastalady. Testileýdiń obektıvtiligin qamtamasyz ótý úshin ony tapsyrý zalynda úzdiksiz vıdeobaqylaý júrgiziledi. Árbir kompıýter testileý prosessin jazatyn veb-kameramen jabdyqtalǵan. «B» korpýsynyń mem­le­kettik ákimshilik laýazymdaryna ornalasýǵa úmitkerler bos laýazymnyń sanatyna sáıkes Qazaqstan Respýb­lıka­synyń memlekettik tili men zań­na­ma­laryn bilýge arnalǵan testileýden ótedi. Testileýden oń nátıjemen ótken úmitkerler kelesi kezeń – jeke qa­­sıetterin baǵalaýǵa jiberiledi. Bul ba­ǵalaý testileý nysanynda júr­gi­zi­le­di jáne arnaıy daıyndyqty qajet etpeıdi.

Irikteýdiń sheshýshi kezeńinde úmitkerler konkýrstyq komıssııamen uıymdastyrylǵan áńgimelesýge qatysady. Áńgimelesý barysynda olar bos laýazymnyń ókilettilikterin eskere otyryp ázirlengen suraqtarǵa ja­ýap beredi. Sondaı-aq keıbir sanattar úshin esse jazý qarastyrylǵan.

Zańnamaǵa engizilgen ózgeristerge sáıkes áńgimelesý kandıdattyń qalaýy boıynsha qashyqtyq beınebaılanys quraldary arqyly júrgizilýi múmkin. Bul karantın jaǵdaıynda jáne alys óńirlerde ornalasqan úmitkerler úshin óte yńǵaıly tásil bolyp tabylady. Konkýrstyq komıssııasy jumysynyń ashyqtylyǵy men obektıvtiligin qamtamasyz etý úshin onyń otyrysyna baıqaýshylar shaqyrylady. Zańnamaǵa engizilgen jańashyldyqtarǵa sáıkes baıqaýshy retinde Qazaqstannyń 18 jasqa tolǵan azamattary, onyń ishinde memlekettik qyzmet isteri jónindegi ýákiletti organnyń qyz­met­kerleri qatysa alady. Iаǵnı eli­mizdiń kez kelgen azamaty qalaýy boıynsha konkýrstardyń obektıvti ótýin qadaǵalaı alady. Bul oraıda baıqaýshylar tıisti jadynamamen tanysyp, qol qoıady. Sonymen qatar olar memlekettik organnyń basshylyǵyna, sondaı-aq ýákiletti organǵa konkýrstyq komıs­sııanyń jumysy týraly ózderiniń pikir­lerin jazbasha túrde bere alady. Konkýrs ótkizý barysynda sarapshylardy shaqyrýǵa jol beriledi. Sarapshy retinde konkýrs jarııalaǵan memlekettik organnyń qyzmetkeri bolyp tabylmaıtyn, bos laýazymnyń fýnksıonaldyq baǵyttaryna sáıkes oblystarda, sonyń ishinde ǵylym salasynda jumys tájirıbesi bar adamdar, sondaı-aq personaldy irikteý jáne joǵarylatý boıynsha mamandar, basqa memlekettik organdardyń memlekettik qyzmetshileri, Parlament jáne máslıhattardyń depýtattary qatysa alady.

Qazirgi ýaqytta oblysymyzdaǵy jergilikti atqarýshy organdarda mem­lekettik qyzmet laýazymdarynyń sany 3 484 birlikti quraıdy. Osy jyly 404 bos laýazymǵa konkýrs jarııalanǵan. Oǵan qatysqan 501 kandıdattyń ishinde 266-sy konkýrstyq komıssııanyń oń nátıjesin alǵan. Búgingi kúni konkýrstyq komıssııanyń otyrystary túgel baıqaýshylar men sarapshylardyń, departament qyz­metshileriniń qatysýymen ótýde. Sońǵy ýaqytta memlekettik qyz­met­ti tańdaǵan azamattar sanynyń ós­k­en­digi baıqalady. Mysaly, 2021 jyl­­dyń birinshi jartyjyldyǵynda mem­­lekettik ákimshilik qyzmetke orna­lasýǵa testileýge 602 azamat qatys­qan bolsa, sońǵy 3 aı ishinde 515 azamat qatysqan.

Kadrlyq josparlaýdyń mańyzdy mindetteriniń biri memlekettik qyz­met­ke jastardy tartý bolyp tabylady. Osy maqsatta departamenttiń tarapynan halyq arasynda memlekettik qyzmetke ornalasý ony ótkerý boıyn­sha aqparattyq-túsindirý jumy­sy turaqty júrgizilýde. Olardyń qata­rynda bos laýazymdar jármeń­keleri, memlekettik organdarmen ótkiziletin ashyq esik kúnderi, kezdesýler, t.b. bar.

Raıhan BRATAEVA,

Memlekettik qyzmet isteri agenttigi Aqmola oblysy boıynsha departamenti memlekettik qyzmet basqarmasynyń basshysy