Olardan alynǵan synamadan joǵary potogendi qus tumaýy anyqtalǵan. Osyǵan oraı úı aýlasy karantınge jabylyp 250 qus joıyldy. Jýyrda dál osyndaı jaǵdaı oblys ortalyǵyna jaqyn ornalasqan Pavlodar aýylynda tirkeldi. Mamandar qaýipti indet sýda júzetin jabaıy qustardan juǵýy múmkin dep otyr.
Aıta keteıik, úı qustary tumaýǵa qarsy egilgen. О́tken jyly Pavlodar oblysyna vaksınanyń 500 myń dozasy bólingen bolatyn. Al qustardyń aýrýǵa shaldyqqany ázirge túsiniksiz jaıt. Qazir qyzmettik tekserý júrip jatyr. Nátıjesi aldaǵy ýaqytta belgili bolady. Búgingi tańda jalpy sany 344 qus joıyldy. О́temaqy máselesi jeke komıssııa otyrysynan keıin sheshiledi.
«Qaýip bar. Sebebi jyl qustary tolyq ushyp ketken joq. Osyǵan baılanysty biz turǵyndarǵa qoldaryndaǵy qustaryn dalaǵa shyǵarmaýǵa keńes beremiz. О́ıtkeni jabaıy qustardyń arasynda tumaý qozdyrǵyshtaryn tasymaldaýshylar kezdesýi múmkin», dedi veterınarııa basqarmasynyń epızotııalyq sharalarǵa qarsy bólim basshysynyń m.a. Ǵalym Beısenov.
