Ekonomıka basqarmasynyń basshysy Qýanyshbek Qalıjanovtyń esebine qaraǵanda, ekonomıkanyń negizgi salalary boıynsha kórsetkishterdiń ósýi baıqalady. Erekshelik - aımaqtaǵy demografııa.
Oblystyń basty salasy - aýyl sharýashylyǵynda jalpy ónim shyǵarý 833,9 mlrd teńgeni qurady. Et óndirisi 2,1%-ǵa, sút óndirisi 6,1%-ǵa ósti. Qyzyljar aýdanynan basqa barlyq aýdandarda jumyrtqa óndirisi artyp keledi, munda tómendeý 43%-dy qurady. Mamlıýt aýdanynda – 0,2% deńgeıinde shamaly tómendeý.
«Aýa-raıynyń qıyndyqtaryna qaramastan, úrdisti ótken jyldyń deńgeıinde saqtap qalýǵa múmkindik týdy. Jekelegen aýdandar qarqynyn báseńdetti. Ákimder mundaı keleńsizdikterge jol bermeý úshin jaǵdaıdy taldap, qorytyndy jasaýy tıis. Jańa sút keshenderiniń jaqsy jumysyn atap ótkim keledi: úsh ferma alty myń tonnadan astam sút óndirdi. 16 fermanyń qurylysy júrip jatyr. Onyń 10-yn bıyl tapsyramyz. Mundaı fermalar kóp bolýy kerek. Osy qyzmet túrimen aınalysqysy keletin aýyl sharýashylyǵy taýarlaryn óndirýshiler úshin qoldaý tetikteri bar. Aýdan ákimderi osy jobalardy iske asyrý úshin kimge qarjylaı kómek kerek ekenin bilýi kerek. Bul et óndirisine de qatysty», dedi Q.Aqsaqalov.
Oblys ákimdiginiń esepteri boıynsha, ónerkásip salasynda ósim 6,7%-dy qurady. Ákiminiń aıtýynsha, jyl sońyna deıin mashına jasaý kásiporyndarynyń tapsyrys qorjyny 51 mlrd teńgege deıin ulǵaıady. Jyl basynan beri ınvestısııalar ótken jylmen salystyrǵanda 17,5%-ǵa kóp tartyldy.
«Kórsetkishter sandyq emes, sapaly bolýy kerek. Barlyǵy óńir turǵyndarynyń ıgiligi úshin jasalýy tıis», dedi Q.Aqsaqalov.
