Qyzylorda oblysy polısııa departamentiniń qyzmetkerleri Ulttyq qaýipsizdik komıteti departamentiniń qyzmetkerlerimen birlesip, «Tablıǵı jamaǵat» dinı ekstremıstik uıymynyń jaqtaýshysy - oblystyń 48 jastaǵy turǵynyna qatysty jedel-izdestirý is-sharalaryn júrgizdi.
«D. esimdi azamat sot tyıym salǵan dinı ekstremıstik uıymnyń sharttary men dástúrlerin ustandy, onyń qyzmetin uıymdastyrdy, jaqyn dinı baılanystardy nasıhattady, dinı alaýyzdyqty qozdyratyn jáne dinı ekstremıstik dep tanylǵan aqparatty nasıhattady», dep jazady PD baspasóz qyzmeti.
Atalǵan dinı ekstremıstik uıym qala aýmaǵynda jınalystar uıymdastyryp, qupııa ýaǵyzdar júrgizgeni anyqtaldy.
«Arnaıy is-sharalar materıaldaryn taldaý barysynda D. esimdi azamattyń is-áreketinde qylmystyq quqyq buzýshylyq belgileri anyqtalýyna baılanysty, oǵan qatysty QR QK 405-babynyń 1-bóligi boıynsha sotqa deıingi tergeý júrgizildi. Qyzylorda qalalyq sotynyń 20 qyrkúıektegi úkimimen ol kináli dep tanylyp, úsh jyl alty aı merzimge bas bostandyǵyn shekteý túrindegi jaýapkershilikke tartylyp, probasııalyq baqylaýǵa alyndy», dep habarlady Qyzylorda oblysynyń PD baspasóz qyzmeti.
