Negizgi sebepterdiń biri – suıytylǵan gazdy elordaǵa ýaqtyly jetkizbeý dep atady QR Energetıka mınıstrligi.
QR Energetıka mınıstrligi jergilikti atqarýshy organmen, sondaı-aq óndirýshi zaýyttarmen jáne «Qazaqstan temir joly» UK» AQ-men birlesip, jylý berý maýsymynyń erte bastalýyna baılanysty elorda úshin gazdy basymdyqpen jóneltý múmkindigin pysyqtady.
Sonymen qatar, «Teńizshevroıl» JShS-men qalaǵa qosymsha 2300 tonna gaz bólý týraly kelissózder júrgizildi. Birinshi kezekte otyn gaz taratý qondyrǵylary men qazandyqtarǵa, sodan keıin ǵana avtojanarmaı quıý stansııalaryna jetkiziletin bolady. Sońǵy eki jylda kógildir otynǵa aýystyrylǵan avtomobılder sany artqanyn atap ótken mańyzdy (2019 jylǵy 139 myń birlikten 2021 jyly 313 myń avtomobılge deıin).
Aıta keteıik, jaǵdaıǵa «Teńizshevroıl» JShS (01.08 - 18.09.2021j. aralyǵynda), sondaı-aq «SNPS-Aqtóbemunaıgaz» AQ (qyrkúıek) jáne «Pavlodar munaı-hımııa zaýyty» JShS (qazan) zaýyttarynda kúrdeli jóndeý júrgizý áser etti, sonyń saldarynan Qazaqstanda suıytylǵan munaı gazyn óndirý kólemi 25%-ǵa tómendedi. Jaqyn kúnderi zaýyttar óndiristik qýatyna shyǵyp jáne jaqyn arada suıytylǵan gaz óńirlerge kelip túsip, halyq arasynda bólshek saýda úshin qoljetimdi bolady.
Ishki naryqqa berý jospary sheńberinde ótkiziletin suıytylǵan munaı gazynyń aınalymyn baqylaýdy jergilikti atqarýshy organdar júzege asyrady.
