Elordadaǵy jármeńkede Soltústik Qazaqstan oblysynyń 110-ǵa jýyq kásiporny jalpy kólemi 800 tonnadan asatyn 100-den astam ónimdi usynady.
Onyń ishinde:
Kartop pen kókónister - 600 tonna; - Et jáne shujyq ónimderi - 100 tonna; - Sút jáne sút ónimderi - 20 tonna; - Un - 25 tonna; - Makaron jáne kondıterlik ónimder - 20 tonna; - Bal jáne ara sharýashylyǵy ónimderi - 20 tonna; - Taýyq jumyrtqasy - 100 myń dana; - Balyq - 15 tonna.
Esterińizge sala keteıik, ónim naryq baǵasynan 15-20% tómen baǵamen satylatyn bolady. Jármeńke Nur-Sultan qalasynyń Taýarlar men kórsetiletin qyzmetterdiń sapasy men qaýipsizdigin baqylaý departamenti usynǵan sanıtarlyq normalardy saqtaı otyryp ótkiziledi.
Aıta ketý kerek, bıyl elordada áleýmettik mańyzy bar azyq-túlik ónimderiniń baǵasyn turaqtandyrý maqsatynda kókónister men jemisterdiń pisý merzimin eskere otyryp, 14 jármeńke ótkizý josparlanǵan.
Aýyl sharýashylyǵy óńirlik jármeńkeleriniń maýsymy Nur-Sultanda 31 qazanǵa deıin jalǵasady. 21 tamyzdan bastap elordadaǵy jármeńkelerde Túrkistan, Batys Qazaqstan, Shyǵys Qazaqstan, Qyzylorda, Almaty, Atyraý, Jambyl, Aqtóbe jáne Qaraǵandy, Pavlodar, Mańǵystaý jáne Qostanaı oblystarynyń aýylsharýashylyq taýar óndirýshileri óz ónimderin usyndy.
