El qorǵanysyn nyǵaıtýdaǵy jańa tásilder men mindetter

Qarýly Kúshter zaman talabyna saı memlekettiń egemendigi men aýmaqtyq tutastyǵyn, halqynyń ulttyq múddesin qorǵaýǵa árqashan daıyn bolýǵa tıis. Munyń bárin el basshylyǵy keleshekte armııany damytýdy josparlaý kezinde udaıy eskerip otyrady.

Qazaqstan Prezıdenti Qasym-Jomart Kemeluly Toqaev on ult­tyq jobany bekitti. Osy tizbege «Qaýipsiz el» ulttyq jobasy da kirdi. Atalǵan joba baǵytynyń biri – «Qarýly Kúshterdi jańǵyrtý».

Ulttyq jobany iske asyrý qa­rý men oq-dárilerdi saqtaý qaýip­sizdigin, otandyq qorǵanys óner­kásibi kesheni kásiporyndarynda qarý-jaraqtyń tájirıbelik úl­gi­lerin shyǵarýdy, sondaı-aq áske­rı obektilerdi jetildirýdi qam­ta­masyz etedi.

Qazaqstannyń Tuńǵysh Pre­zı­­denti – Elbasy Nursultan Ábish­­uly Nazarbaev Qaýipsizdik Keńe­siniń kezekti otyrysynda qazir­gi zaman bolmysynda áskerı qurylysta jáne Qarýly Kúsh­ter­diń kelbetin aıqyndaýda jańa tásil­derdi ázirleý qajet ekenin atap ótti. Asım­met­rııa­ly jáne gıbrıdti syn-qa­terge toı­tarys berýge daıyn bo­lý, áskerı pro­sesti basqarýda jańa tehnologııany engizý jáne avtomattandyrý – osynyń barlyǵy búginde erekshe mańyzdy bolyp otyr.

Áskerı basqarýdy ortalyq­tan­dyrý, avtomattandyrylǵan bas­qarý júıelerin óristetý, son­daı-aq mem­lekettik organ­dardyń aqpa­rat­tyq júıe­lerin ıntegrasııalaý úshin qabyl­da­na­tyn is-sharalar múddeli ve­dom­stvo­lardyń ókilderimen talqy­landy.

Qarýly Kúshterde aqpa­rat­­tan­dyrý jáne aqparattyq-kom­mý­nı­ka­sııalyq tehnologııa qural­daryn paı­dalaný aýqymyn keńeı­tý, áskerı ǵy­lymdy damytý jáne ǵylymı-eks­pe­rımenttik bazany jetildirý máse­lelerine jeke nazar aýdarylady.

Bul rette synı turǵyda oılaýǵa jáne sheshim qabyldaýǵa qabiletti, qazirgi zamanǵy úlgidegi tehnıkamen jáne qarý-jaraqpen jumys isteı alatyn kadrlardy daıarlaý máselesi de ózekti bo­lyp otyr. Osy jumysty kúsheıtý maqsatynda Táýelsiz Mem­leketter Dostastyǵy elderi­niń jáne alys shetelderdiń ǵylym-bilim berý mekemelerimen baılanysty keńeıtý mańyzdy.

Biz álemdegi áskerı-saıası ahýal­dyń ózgerýine kýá bolyp otyr­myz. Odan ári qorǵanys qabiletin nyǵaıtý jóninde sharalar qabyldaý qajettiligi óńirlik qaýipsizdikke tónetin syn-qaterdiń bar ekenin aı­­qyn kórsetedi. Qarýly Kúshter úz­dik qazirgi zamanǵy áskerı stan­dart­tarǵa sáıkes bolýǵa tıis. Osy maqsatta áskerı qaýipsizdik sa­la­­synda normatıvtik qujattar be­ki­tildi. Qazaqstan Prezıdenti – Jo­ǵarǵy Bas qolbasshy 2021 jylǵy ta­myz­da Qarýly Kúshterdiń, basqa da áskerler men áskerı qura­lym­dar­­dyń qurylysy men damý tujy­rym­­damasyn bekitti. Ony iske asyrý mem­lekettiń qorǵanys qabile­tin art­tyrýǵa, áskerı qaýip­sizdik­ke tónetin qazirgi zaman­ǵy syn-qa­terge barabar den qoıýǵa jáne beıbit ýa­qyt­tyń min­detterin tıimdi oryndaýǵa múm­kindik beredi.

Murat BEKTANOV,

Qorǵanys mınıstri,

general-leıtenant