Kómir kásipornyna – 4,6 mln teńge aıyppul

«Bogatyr Kómir» JShS-nyń tarıftik smetanyń oryndalýy týraly esebin qaraý nátı­jeleri boıynsha, Ulttyq ekonomıka mınıstrligi Tabı­ǵı monopolııalardy retteý komıtetiniń Pavlodar oblysy boıynsha departamenti sýbektiniń bekitilgen tarıftik smeta shyǵyndarynyń baptaryn bekitilgen tarıftik smetada kózdelgen mólsherdiń 669,2 myń teńge mólsherinde bes paıyzdan astam oryndamaýyna jol bergenin anyqtady.

Osylaısha, departament 2021 jylǵy 1 qazanda ««Bogatyr Kómir» JShS-nyń qoz­ǵalmaly quramnyń ótip ke­týine kirme joldardy usyný qyzmetine ýaqytsha ótemdik tarıfter bekitý týraly» buıryq shyǵardy, oǵan sáıkes tarıfter: 2021 jylǵy 1 qarasha – 2022 jylǵy 31 qańtar ara­ly­ǵynda tarıf 10,62 teńge/vagon-km-den 10,55 teńge/vagon-km-ge deıin nemese (0,7%); 2022 jyl­ǵy 1 aqpan – 2022 jylǵy 31 qazan aralyǵynda tarıf 11,12 teńge/vagon-km-den 10,92 teńge/vagon-km-ge deıin nemese (1,8%) mólsherinde tómendedi.

Jol berilgen buzýshylyq úshin, «Bogatyr Kómir» JShS-y «Ákimshilik quqyq bu­zý­­shy­lyq týraly» Qazaqstan Res­­pýblıkasynyń Kodeksiniń 164-babynyń 4-bóligi boıynsha ákim­shilik jaýapkershilikke tar­tylyp, 4 667 200 teńge mól­sherinde aıyppul salyndy.