Taıaýda joǵaryda aıtylǵan alańqaıǵa bıiktigi tórt metr, al uzyndyǵy jeti metr bolatyn sáki ornatyldy. Temir men aǵashtan qııýlastyryp jasalǵan sákige saty arqyly ǵana órmelep shyǵýǵa bolady.
Qala ákimi Erjan Temirhanov jergilikti jastardyń ákimdikke bos ýaqytyn ótkizý jáne selfı jasaý úshin kreatıvti oryn uıymdastyrýdy ótinip, birneshe ret ótinish túsirgenin aıtady.
– Jastar bul máselege jaýapkershilikpen qarap, tipti keıbiri óz ıdeıalaryn áleýmettik jelilerde usyndy. Biz olardyń usynys-tilekterin qabyl alyp, saıabaqqa erekshe sáki ornattyq. Turǵyndar bul múlikke uqypty qaraıdy degen úmittemiz, – deıdi ol.
Búginde saıabaqtaǵy jastarǵa arnalǵan alańqaıdyń mańaıy kógaldandyrylyp, aınala aǵashtar egilgen.
Jastar úshin jasalǵan bul ıgilikter bıýdjetten tys qarajat esebinen júzege asypty. Uıymdastyrýshylar saıabaqtaǵy bul alańqaıdyń gıtarada oınap, án aıtatyn jastardyń súıikti ornyna aınalaryna senimdi.
