Oblystyq polısııa departamentiniń málimetinshe, joǵalǵan adamdar búgin qazannyń 21-de, kúndizgi ýaqyt 14:00 shamasynda Báıterek aýylynan 35 shaqyrym jerdegi orman alqabynan tabylǵan.
«Altynaı Baltaqojaqyzy túnde ormanda óte sýyq bolǵanyn aıtty. Jubaıy ekeýi jol izdep sharshaǵan. Joldasy Qaıyrjan Barjaqsymuly taıaqtyń kómegimen qozǵalady. Erli-zaıyptylar ózderin izdeýge qatysqandardyń barlyǵyna alǵysyn jetkizdi. Úılesimdi is-áreket pen kúsh-jigerdiń arqasynda erli-zaıypty Baıalınderdiń ómiri men densaýlyǵyna qaýip joq», dedi vedomstvodan.
Eske sala ketsek, Aqmola oblysynda ormanda joǵalǵan erli-zaıyptylarǵa izdeý jarııalanǵan bolatyn.
Oǵan barlyǵy 140-tan astam adam, onyń ishinde júzge jýyq polısııa qyzmetkeri (6 ıisshil ıti bar kınolog jáne 25 SOBR qyzmetkeri), jergilikti atqarýshy organdardyń ókilderi, qoryqshylar, tótenshe jaǵdaılar departamentiniń qyzmetkerleri jumyldyryldy.
