Syǵanaq kóshesindegi bıznes-ortalyqtyń shatyrynan áıeldiń ústine metall konstrýksııanyń qulaýyna qatysty polısııa túsinik berdi.
Oqys oqıǵa «102» shuǵyl baılanys jelisine bıylǵy jyldyń 22 qazanynda saǵat 13:00-de kelip tústi. Qatty soqqan jeldiń kesirinen temir kúmbez qulap, 56 jastaǵy áıel zardap shekti.
– Bul faktige sáıkes, Esil aýdandyq polısııa bólimi QR Qylmystyq kodekstiń 306-baby boıynsha sotqa deıingi tergeýdi bastady, qajetti saraptamalar taǵaıyndaldy, – deıdi Nur-Sultan qalalyq PD baspasóz qyzmeti.
