Qarataý aýdany, Almaty tas jolynda ornalasqan «AgroPark» ShQ jylyjaı kesheni bıyl júzege asqan iri jobalardyń biri.
5,2 gektar aýmaqta ornalasqan jylyjaı kesheni jylyna 1500 tonna qyzanaq pen qııar óndiredi. Tartylǵan ınvestısııa kólemi - 1 300 mıllıon teńge. Kásipkerge 331,5 mıllıon teńge memlekettik qoldaý kórsetilgen.
Agrarlyq ónimder jylyna eki márte jınalady. Keshende qajetti klımattyq ahýal men topyraq qunarlyǵyn saqtaý prosessteri avtomattandyrylǵan.
Sharýa qojalyǵynda 45 adam turaqty jumyspen qamtylǵan. Personal agrarlyq tehnologııany saqtaý máselesi boıynsha daıyndyqtan ótken.
Qala ákimi Shymkentte tamaq ónerkásibin damytýǵa barlyq múmkindikter bar ekenin aıtyp ótip, sala jetekshilerine bul baǵyttaǵy jumystardy júıeli túrde jalǵastyrýdy tapsyrdy.
