Almaty qalasy polısııa departamentiniń baspasóz qyzmeti habarlaǵandaı, 26 jastaǵy er adam men 27 jastaǵy áıeldiń alaıaqtyq áreketti áshkerelendi. Erli-zaıyptylar Almatyda tirkelgen mıkroqarjy uıymyna qatysty alaıaqtyq jasady degen kúdikke ilindi.
«2019 jyldan bastap ustalǵandar taýar satyp alý úshin aqsha qarajatyn aýdarý syltaýymen ınternet-dúken satýshylarynan olardyń JSN men bank kartasynyń derektemelerin alǵandyǵy anyqtaldy. Satýshylardyń tólqujat málimetterin paıdalana otyryp, olar MQU saıtynda onlaın rejımde mıkrokredıt alýǵa ótinim berdi. Aqshany alǵannan keıin satýshylarmen qaıtadan baılanysqa shyǵyp, olarǵa abaısyzda aqsha qarajatyn aýdarǵanyn habarlady jáne olardy basqa bank kartasyna qaıtarýdy surady», dep túsindirdi Almaty PD bastyǵynyń orynbasary polısııa podpolkovnıgi Rýstam Ábdirahmanov.
Tergeý jumystary barysynda erli-zaıypty alaıaqtar 41 adamdy aldaǵany anyqtaldy. Barlyq «qaryz alýshylardy» tapqannan keıin polısııa olardyń qaryz alýǵa múlde qatyspaǵandyǵyn anyqtady.
Kúdiktilerge qatysty qylmystyq isti tergeý is júrgizýmen aıaqtaldy. Onyń materıaldary úkim shyǵarý úshin sotqa berildi. Kúdiktiler qamaýda.
