Jastar járdemi

Elimiz úshin de úlken synaqqa aınalǵan pandemııa kezinde qınalǵan jurtqa járdem jasaýǵa umtylǵan Syr jastary aımaq basshysynyń shaqyrýyna ún qosyp, oblystyq ishki saıasat basqarmasynyń «Jastar resýrstyq ortalyǵy» men onyń ja­nyn­daǵy Eriktiler front-ofısi «Qyzylorda taza­lyǵy» mekemesiniń 25 jumysshysyna azyq-túlik, 1 otbasyna turmysqa qajetti jıhaz jetkizip berdi. Olardan bólek áleýmettik turmysy tómen 10 otbasyna kómek kórsetti.

Oblys ortalyǵyndaǵy «Baqytty otbasy» ortalyǵy men Eriktiler front-ofısi jastary Halyqaralyq áıelder kúni merekesine oraı 1000 otbasyna azyq-túlik sebetin úlestirdi.

Syrdarııadaǵy sý tapshylyǵy saldarynan bıyl óńirdi qýańshylyq jaılaǵany belgili. Onyń zardaby ásirese Aral aýdanynda qatty sezilip, tórt túlikpen kún kórip otyrǵan aýyldaǵy aǵaıynnyń biraz maly shyǵyn boldy. Osyǵan oraı «Oblystyq jastar resýrstyq ortalyǵy» barlyq saladaǵy jastarmen birlesip, «Jastardan járdem» atty aksııa jarııalap, aımaq turǵyndaryna, kásipkerler­ge, eriktilerge úndeý joldady. Úndeýge ún qos­qan jas­tar járdemimen Aral aýdanyna 7 500 býma shóp jetkizildi.

«Oblystyq jastar resýrstyq ortalyǵy» j­a­nyn­daǵy Eriktiler front-ofısiniń uıymdas­ty­rýymen turaqty túrde «Donor bol», «О́mirdi saq­ta» atty qan berý aksııalary ótkizilip, oǵan sala mamandary, quqyq qorǵaý qyzmetkerleri úles qos­ty. Eriktiler respýblıka kóleminde atalyp ótken «О́z elimizde iz qaldyrmaı Sayahattime» atty ekologııalyq aksııadan da shet qalmady. Volon­terler bastamasyna «Jasyl el» jastar jasaǵy, «Aı-Qanat» jastar qoǵamdyq birlestigi músheleri, qala turǵyndary qoldaý kórsetti.

Jaqsylyq jasaýǵa umtylǵan jastarǵa «Abzal jáne K» TS, «Bastaý-S» JShS, BIALI Sport dú­keni, Esperanza kafesi jáne «Aýyl bazary» aýyl sharýashylyǵy ónimderi dúkeni demeýshilik tanytty.

QYZYLORDA