Olardyń biri - Almaty qalasynyń mamandandyrylǵan aýdanaralyq ákimshilik sotynyń qaýlysymen jyl basynda QR ÁQbK-niń 517 baby 4 bóligi 5 jyl merzimge QR sheginen ákimshilik jolmen shyǵaryp jiberý túrindegi ákimshilik jaýapkershilikke tartylǵan 1984 jyly týǵan A.esimdi azamat.
«Alaıda, bul talapty quqyq buzýshy oryndamady, sodan keıin sot Qazaqstan Respýblıkasynan májbúrlep shyǵarýmen qozǵalys erkindigine shekteýler qoldaný týraly sheshim shyǵardy.
Sonymen qatar zańdy elemegen qandastarymyzǵa qatysty da ákimshilik sharalar qoldanyldy. Sheteldikterdiń Qazaqstan Respýblıkasynda bolýynyń zańdylyǵyn qamtamasyz etý sharalaryn qabyldamaǵany úshin qabyldaýshy 235 adam jaýapkershilikke tartyldy, al, sheteldik jumys kúshin tartý erejesin buzǵany úshin 24 jumys berýshige aıyppul salyndy», dedi Almaty qalalyq PD kóshi-qon qyzmeti Basqarmasy bastyǵynyń orynbasary, polısııa polkovnıgi Gennadıı Men.
Esterińizge sala keteıik, Almatyda «Kelimsek» aldyn-alý is-sharasy ótip jatyr. Is-sharanyń alty kúniniń ishinde kóshi-qon zańnamasyn buzǵan 1 myń 295 adam ákimshilik jaýapkershilikke tartylsa, onyń 1 myń 036-sy - shetel azamattary. 58 shetel azamaty elden shyǵaryldy.
