TARIHI MISSIIа ZAŃDARDA KО́RINIS TABADY

Keshe Parlament Májilisiniń Tóraǵasy Oral Muhamedjanovtyń jetekshiligimen palatanyń kezekti plenarlyq otyrysy bolyp,  onda  13  másele talqyǵa tústi. Kún tártibine sondaı-aq bir top depýtat bastamashy bolǵan Qazaqstan Respýblıkasynyń Tuńǵysh Prezıdenti – Elbasynyń erekshe tarıhı mıssııasyna oraı ázirlengen eki zań jobasy engizildi. Bul zańdyq qujattar “Qazaq­stan Respýblıkasynyń keıbir kons­tıtýsııalyq zańdaryna Qazaq­stan Respýblıkasy Tuńǵysh Pre­zıdentiniń – Elbasynyń qyzmetin qamtamasyz etý salasyndaǵy zań­na­many jetildirý máseleleri boı­yn­sha ózgerister men tolyqtyrýlar en­gizý týraly” Konstıtýsııalyq zańnyń jobasy jáne “Qazaqstan Respýblıkasynyń keıbir zańnama­lyq aktilerine Qazaqstan Res­pýb­lıkasy Tuńǵysh Prezıdentiniń – Elbasynyń qyzmetin qamtamasyz etý salasyndaǵy zańnamany jetil­dirý máseleleri boıynsha ózgerister men tolyqtyrýlar engizý týraly” zań jobasy dep atalady. Olar boı­ynsha depýtattar Rozaqul Hal­mu­radov, Svetlana Ferho jáne Ám­ze­bek Jolshybekov arnaıy málim­de­me jasap, buqaralyq aqparat qu­ral­dary ókilderine arnap, baspasóz máslıhatyn ótkizdi (R.Halmura­dov­tyń sózi men baspasóz máslıhaty jaıly esep bólek berilip otyr). Tutastaı alǵanda, Qazaqstan Res­pýblıkasy damýynyń turaqty­ly­ǵyn qamtamasyz etý maqsatynda Qazaqstan Respýblıkasynyń Tuń­ǵysh Prezıdenti – Elbasy már­te­besin zań deńgeıinde bekitý qajet dep sanaımyz, deıdi joba avtor­lary. Osy oraıda Svetlana Ferho bylaı deıdi: “Odaqtyń ydyraýy aldynda burynǵy keńestik res­pýb­lıkalar ishinde elimiz turǵyn­dar­dyń ómir súrý deńgeıi jóninen eń sońǵy pozısııalardyń birin ıem­den­se, búginde áleýmettik jáne eko­nomıkalyq kórsetkishter boıynsha senimdi túrde alda keledi”.  Osy rette depýtat Tuńǵysh Prezıdenttiń mártebesi  Konstıtýsııa men kons­tı­týsııalyq zańdarda aıqyndalǵan­dy­ǵyn aıta kelip, Prezıdenttiń jetistikteri Ult kósh­basshysy dep ataýǵa quqyq bere­ti­nin jetkizdi. Halyqaralyq ister, qor­ǵanys jáne qaýipsizdik komı­te­tiniń tóraǵasy Ámzebek Jolshy­be­kov Prezıdent Nursultan Nazar­baev syrtqy jáne ishki saıasatta kórinis tapqan Qazaqstannyń birizdi  damýy baǵytyn saqtaýdyń jáne turaqtylyǵynyń kepili bo­lyp tabylady, degen oıyn ortaǵa saldy. Depýtattyń aıtýynsha, zań­dyq qujat memlekettiń syrtqy jáne ishki saıasatyndaǵy negizgi baǵyttary jónindegi bastamalardy ázirleýde Ult kóshbasshysymen – Qazaqstan Respýblıkasynyń Tuńǵysh Prezıdentimen kelisý qajettigin kózdeıdi. Osylaısha Qazaqstan Respýb­lı­kasynyń Tuńǵysh Prezıdenti – Elbasynyń erekshe tarıhı mıssııa­sy­na oraı onyń konstıtýsııalyq ókilettikterin naqty reglament­teý­di, sondaı-aq onyń qyzmetin qam­ta­masyz etýdiń kepildikterin kózdeıtin eki zań jobasy boıynsha qorytyndy ázirleý merzimi 25 maýsymǵa deıin dep sheshildi. Al plenarlyq otyrysta kún tártibine shyǵarylǵan ózge barlyq máseleler boıynsha tıisti sheshimder qabyldandy. Asqar TURAPBAIULY.