Ánýar Súleımenov monıtorıngte iri bıznestiń 342 sýbektisi turǵanyn habarlady. Onyń 98-i - jer qoınaýyn paıdalanýshylar, 244-i - ekonomıkanyń túrli sektorlaryndaǵy iri salyq tóleýshiler. Olarǵa memlekettik bıýdjetke salyq túsimderiniń 43,7%-y jáne respýblıkalyq bıýdjetke 51%-dan astamy tıesili.
«Iri bıznes sýbektilerinen memlekettik bıýdjetke túsetin túsimder jyl basynan beri 1 270 mlrd teńgege nemese 36%-ǵa ulǵaıyp, 3 302,3 mlrd teńgeni qurady. Respýblıkalyq bıýdjetke túsetin túsimder 840,1 mlrd teńgege nemese 50%–ǵa ulǵaıyp, 2 520,7 mlrd teńgeni qurady», dep qosty spıker.
Ekonomıka sektorlary boıynsha túsimderdiń barynsha ulǵaıýy kelesideı:
- kóterme jáne bólshek saýda - 26%-ǵa nemese 274,8 mlrd teńgege ósti;
- óńdeý ónerkásibi - 17,4%-ǵa nemese 184,8 mlrd teńgege ósti;
- qarjy jáne saqtandyrý qyzmeti, jyljymaıtyn múlikpen operasııalar - 14,2%-ǵa nemese 151 mlrd teńgege ósti;
- qubyr arqyly tasymaldaý – 38,7%-ǵa nemese 33 mlrd teńgege ósti.
Súleımenov túsimderdiń ulǵaıýy pandemııadan keıin ekonomıkany qalpyna keltirý jáne salyqtyq ákimshilendirý sapasyn jaqsartý kezeńine kelgenin aıtty.
Jalpy, 2021 jyldyń 9 aıynda iri salyq tóleýshilerge 34 salyqtyq tekserý aıaqtaldy. Júrgizilgen tekserýlerdiń nátıjeleri boıynsha 46,5 mlrd teńge salyqtar men ósimpuldar qosa esepteldi.
