Oralda sport basqarmasynyń burynǵy basshysyna úkim shyqty

Batys Qazaqstan oblysynda sport salasy sheneýnikterine qatysty qylmystyq iske núkte qoıyldy. Bul týraly «Astana» telearnasy habarlady. Oblystyq sport basqarmasynyń burynǵy basshysy Músilim Ońdaǵanovqa  «iri kólemdegi memleket qarjysyn jyldar boıy jymqyrdy» degen aıyp taǵylǵan bolatyn. Onyń osy qylmysyna qatysty Batys Qazaqstan oblysy mamandandyrylǵan aýdanaralyq qylmystyq sotynyń sýdıasy Aqgúl Qarasaevanyń orys tilinde shyǵarǵan úkimin sol qalpynda bergendi jón sanadyq:«Ýndaganova Mýslıma prıznat vınovnym po statıam 275 ch.3, 176 ch.4 314 ch. 2. 193 ch. 2 pýnktov «a,b,v» ı naznachıt nakazanıe po state 275 chastı 3 ÝK RK lıshenıe svobody na srok 12 let s konfıskasıeı ımýshestva». Basqarmanyń eks-basshysynyń sybaılastary da jazaǵa tartyldy. M.Ońdaǵanovtyń oń qoly bolǵan Meńdihan Jákenov 11 jylǵa, al Qonys Jetpisov pen Turarbek Bekarystanov 8 jylǵa bas bostandyǵynan aıyryldy. Dúnıe-múlkinen aırylǵan olarǵa aldaǵy 5 jylda memlekettik qyzmetke alynbaıtyny eskertildi. Qylmystyq iste jazylǵan faktige júginsek, aıyptalýshylar «bıýdjetten bólingen 170 mln. teńgeni urlaǵan eken». Aıta keteıik, kúdiktilerge qatysty úkim áli zańdy kúshine engen joq. Biraq, M. Ońdaǵanovqa sotta sońǵy sóz berilgen kezde, sýdıadan ózin ǵana jazalaýyn ótindi. Onyń qorǵaýshysy bolsa, Joǵarǵy sotqa shaǵymdanýǵa áreket jasap jatyr. Derekkóz: «Astana» telearnasy. Foto: News.ivest.kz.