JEŃIS-65

BATYR ShAŃYRAǴYNDAǴY QONYS TOIY Ońtústikte Keńes Odaǵynyń Batyry ataǵyna ıe bolǵan jaý­yn­gerlerden kózi tirisi jalǵyz Toǵanbaı Qaýymbaev. Ol 1943 jyly Dnepr ózenin jaldap ótip, jaý bekinisine birinshi bolyp atoı salǵany úshin Batyr ataǵyna ıe bolǵan jaýyn­ger­lerdiń biri. Beıbit ómirde de ómiri ónege bolǵan aq­saqal qar­taıǵan shaǵynda aýdan­nan Shym­kent shaharyna kóship kelgen. Alaıda, óz atynda páteri joqtyq­tan otbasyly bolǵan ba­la­lary­nyń tar úıin saǵalap, ju­baıy ekeýi­niń ekige bólinip qo­nyp júr­gen jaǵdaılary bar edi. Batyrǵa ýa­qytynda shahardan páter beril­gen. Aýdanda turatyn aqsaqal páterin ulyna syıǵa tart­qan. О́mirde adamnyń oıla­ǵa­ny bola bere me, uly mezgilsiz dú­nıeden ótti de qarajattan qysylǵan zaıyby páterdi satyp jibergen. Qartaıǵan adamdarǵa qala­nyń jaıly páteri kerek ekendigi tú­sinikti. Al, ákimdik zańdyq tur­ǵyda ekinshi ret páter bere almaıdy eken. Biraq, zańǵa tom­paq bolady eken dep kózi tiri jal­ǵyz Batyrdy týǵan-týys­tarynyń qo­ly­na jaýtań­datyp qoıý qandaı azamattyq ólshemge syıady? Kózi barda ja­sal­maǵan jaqsy­lyqtyń kúni erteń tas mú­sin eskert­kishke aı­na­lýynan kim utady? Jas ur­paq alar ǵıbrat qaıda?! Osynyń bárin tarazylaǵan oblys ákimi Asqar Myr­zah­metov Jeńis me­re­ke­si qar­sańynda Shym­kenttiń qaq or­ta­synan sa­lyn­ǵan jańa úıden To­ǵanbaı Qaýym­baev pen “Dańq” or­deni­niń úsh dáreje­siniń ka­va­le­ri Qarabaı Qal­taevqa páter kilt­terin saltanat­pen tapsyrdy. Sóıtip, qos páterdi sa­­typ alý úshin bıýd­jetten 14 mıl­lıon 886 myń teńge bólinip, ardagerler bas­panaly boldy. – Otan qorǵaýda jasaǵan erlikterimizdi búgingi balalarǵa mindet etken jaǵdaıymyz joq, – deıdi Batyr. – Biraq, qar­taıǵanda, boıdan qýat ketkende aıaqtan alǵan qıynshylyq aıt­qyz­basqa qoımady. Jaǵdaıy­myz­dy túsinip, jaıly páter bóldirgen oblys basshysy Asqar Myrzahmetovke aıtar alǵysy­myz sheksiz. Baqtııar TAIJAN. Ońtústik Qazaqstan oblysy. MAIDANGER PÁTER ALDY Atyraý oblysynyń ákimi Bergeı Rysqalıev Jeńis mere­ke­si qarsańynda soǵys ardager­leri­niń bir tobyn arnaıy úı­le­rine baryp quttyqtady. Maı­dan­gerler Izraıl Lerner, Qu­lym Oraz­baev, Múr­sá­lim Qu­raqbaev, Izimǵalı Juma­ǵalıev... Bulardyń bári de Otan úshin ot keship, ja­lyndaǵan jastyq sha­ǵyn maıdan dalasynda ótkiz­gen­der. Osy ardagerlerdiń búgingi turmysymen, hal-ahýalymen ta­nysqan óńir basshysy Jeńistiń 65 jyldyq merekesine oraı shy­ǵa­rylǵan merekelik medaldy tabystap, árqaısysyna 85 000 teńge kó­le­minde qarjylaı kó­mek usyndy. “Ob­lysta sizderdiń qa­rýlastaryńyz azaı­yp barady. Erlik­te­rińiz búgingi ur­paq­qa úlgi-ónege, árdaıym ózderińizdi qur­met tutamyz. El­ba­sy Nursultan Na­zarbaev soǵys arda­gerleriniń áleý­­mettik turmy­syn jaq­sar­týǵa, te­gin em­de­lýi­ne jaǵ­daı tý­ǵyzýdy tap­syryp otyr. Búgin aldaǵy Jeńis me­re­kesimen qut­tyq­taý úshin ar­naıy kelip otyr­myn”, dedi ob­lys ákimi qart­tarǵa. Ákimniń aı­tý­yn­sh­a, óńirdegi ár so­ǵys ardagerine 85 000 teńge kó­le­min­­de bir jolǵy qar­jylaı kómek kór­setiledi. Sony­men birge, Jeńis kúnine deıin 15 maıdangerge jańa páterdiń kilti tapsyrylady. Jańa baspana alý­ǵa ótinish bergen Izimǵalı Ju­maǵalıev zaıyby Úmitpen birge 8 ul-qyzdan órbigen ne­mere-shó­bereleriniń amandyǵyn tilep otyr. On segizinde soǵysqa at­tan­ǵan ol múgedek bolyp oral­ǵan. Biraq múgedektigin mindet­sin­beı, beıbit ómirde eńbekten qol úzbegen. Uzaq jyl munaı sa­la­synda eńbek etip, qala irge­sindegi shaǵyn baspanada urpa­ǵyn órbitip, Jeńistiń 65 jyl­dyq merekesin qarsy alǵaly otyr edi. Endi oǵan Atyraý qalasyndaǵy “Almagúl” yqsham aýdanynda jańadan boı kótergen kóp qabatty úıden 2 bólmeli páter berildi. Joldasbek ShО́PEǴUL. Atyraý oblysy. ARDAGERLER ALǴYS AITTY Oblys ákimi Baqtyqoja Iz­muhambetov uly Jeńistiń 65 jyldyǵyna oraı Máskeý men Astana qalalarynda ótetin mere­ke­lik sharalarǵa qatysatyn maı­dangerlerdi qabyldap, qurmet kórsetti. Oblys basshysy ardagerlerdi Jeńis meıramymen jyly qut­tyq­tap, izgi tilegin bildirdi. Ákim saltanat barysynda maıdan­ger­lerge memlekettik nagradalardy tabys etti. Máskeýdegi Jeńis sherýine qatysatyn Bısen Ju­maǵalıev pen Ivan Gapıch el Pre­zı­dentiniń Jar­ly­ǵymen “Qurmet” ordenimen marapat­tal­sa, elordaǵa joly túsetin Qasen Qos­paev “Eren er­ligi úshin” jáne Mı­haıl Panchenko, Má­jıt Jadanov, Nıkolaı Plot­nıkov, Esmaq Mol­da­shev, Lev Do­rofeev, Álı Ken­je­shev, Súıeý Yǵyl­­­manov, Qadyr Ǵaısın, Nı­kolaı Vetrov Jeńistiń 65 jyl­dyǵyna ar­nal­ǵan mereıtoılyq medalǵa ıe boldy. Qazirgi tańda oblysta 698 maıdanger ǵana qaldy. Olarǵa jáne tyl eńbekkerlerine qoldaý kórsetý maqsatynda bıyl respýblıkalyq bıýdjetten 263,4 mln. teńge, al oblystyq bıýd­jet­ten 97 mln. teńge bólindi. О́t­ken jyly 89 batysqazaq­stan­dyq ardager úı alsa, bıyl 38-i Oral qalasynda jáne 23-i aýyldarda jańa páterge kóshpek. Temir QUSAIYN. Batys Qazaqstan oblysy.