Elimizdiń jekelegen óńirlerinde kóktaıǵaq bolady

Búgin, 18 aqpan kúni elimizdiń keıbir aımaqtarynda atmosferalyq aǵyndardyń ótýine baılanysty aýa raıy turaqsyz bolady. Bul týraly Gazeta.kz habarlady. Almaty oblysynyń Jalańashkól  aýdanynda jeldiń ekpini sekýndyna 27 metrge deıin jetedi. Osy óńirde túnde tuman túsedi dep kútilýde.  Al Shyǵys Qazaqstan oblysynyń Jarma aýdanynda jeldiń ekpini sekýndyna 27 metrge deıin jetýi múmkin. Ońtústik Qazaqstan, Almaty, Soltústik Qazaqstan jáne Qostanaı oblystarynda jeldiń ekpini sekýndyna 15-20 metrge deıin kúsheıedi. Batys Qazaqstan, Aqtóbe jáne Mańǵystaý oblystarynda tuman túsip, kóktaıǵaq bolýy yqtımal.  Qyzylorda oblysynyń keı jerlerinde jeldiń ekpini sekýndyna 15-20 metrge deıin jetip, kóktaıǵaq bolatyny kútilýde. Osyǵan oraı, jergilikti jerdegi tótenshe jaǵdaılar departamenti oblys turǵyndary men qonaqtaryna qaýipsizdikti saqtaý qajettigin eskertedi. Respýblıkanyń ońtústik-shyǵys jáne shyǵys óńirindegi ózender sýy deńgeıiniń kóterilýi múmkin. Bul málimet Shardara sý qoımasyna da qatysty ekenin eske salamyz. Ámirhan Almaǵanbetov. Derekkóz: Gazeta.kz. Foto: Gubdaily.ru.