Zeınetaqy jınaqtarynyń negizgi somasy mindetti zeınetaqy jarnalary esebinen jınaqtalǵan. Onyń mólsheri – 12,7 trln teńge. Sońǵy 12 aıdaǵy ósim 4 paıyzǵa teń. Mindetti kásiptik zeınetaqy jarnalary boıynsha jınaqtalǵan zeınetaqy jınaqtarynyń somasy 349,5 mlrd teńgeni qurady. О́sim – 16 paıyz. Al erikti zeınetaqy jarnalary boıynsha 1,6 mlrd teńge jınaqtalǵan.
Osy jyldyń toǵyz aıynda BJZQ salymshylary ótken jyldyń sáıkes kezeńimen salystyrǵanda áldeqaıda kóbirek qarajat salǵan. 1 qazandaǵy jaǵdaı boıynsha salymshylardyń shottaryna jalpy kólemi 1,2 trln teńge zeınetaqy jarnasy túsken. Bul – 2020 jyldyń sáıkes kezeńindegi kórsetkishten 439,5 mlrd teńgege nemese 57 paıyzǵa artyq. Jarnalardyń jalpy kóleminiń 95,7 paıyzyn BJZQ-ǵa aýdarylǵan mindetti zeınetaqy jarnalarynyń túsimi quraǵan. Ol 917,4 mlrd teńgege teń. Sońǵy 12 aıdaǵy ósim – 24 paıyz. Mindetti kásiptik zeınetaqy jarnalary boıynsha 41,2 mlrd teńge (ósim 17 paıyz), erikti zeınetaqy jarnalary boıynsha 496 mln teńge (ósim 41 paıyz) aýdaryldy.
Salymshylardyń jarnalarynan bólek, zeınetaqy jınaqtarynyń aıtarlyqtaı ósýine eseptik kezeńde eseptelgen 1 trln teńge kólemindegi taza ınvestısııalyq tabys ta áser etken. Bul kórsetkish te ótken jyldyń sáıkes kezeńinen asyp túsken. Iаǵnı 1 paıyzǵa nemese 7 mlrd teńgege artyq. Ulttyq banktiń basqarýymen BJZQ zeınetaqy aktıvteri boıynsha kiristilik jyl basynan beri 8,89 paıyzdy, al ınflıasııa 6,2 paıyzdy qurady. Bul rette sońǵy 12 aıdaǵy kiristilik10,08 paıyzǵa, osy kezeńdegi ınflıasııa 8,9 paıyzǵa teń.
BJZQ-daǵy jeke zeınetaqy shottarynyń sany 2021 jylǵy 1 qazandaǵy jaǵdaı boıynsha 11,7 mln birlikke jetti. Shottardyń kóbi mindetti zeınetaqy jarnalary boıynsha ashylǵan – 10 909 456 birlik. Odan keıingi orynda mindetti kásiptik zeınetaqy jarnalary esebinen qalyptasqan shottar tur – 534 067 birlik. BJZQ-daǵy erikti zeınetaqy jarnalary esebinen qalyptasqan shottar sany qazir 54 013 birlikke teń.
Jyl basynan beri BJZQ salymshylaryna shamamen 2,1 trln teńge tólengen. Tólemderdiń basym bóligin birjolǵy zeınetaqy tólemderi qurady – 1,9 trln teńge. Odan keıingi orynda jasy boıynsha zeınetkerlikke shyqqandarǵa aýdarylatyn tólemder jaıǵasqan – 71,6 mlrd teńge.
Sondaı-aq saqtandyrý uıymdaryna aýdarylǵan aýdarymdar shamamen 47,6 mlrd teńgeni, muragerlik tólemderi 43,3 mlrd teńgeni, Qazaqstan sheginen tys jerge turaqty turýǵa ketkenderge beriletin tólemder 29,1 mlrd teńgeni, jerleýge jumsalatyn tólemder 4 mlrd teńgeni jáne múgedektik boıynsha tólemder 1,6 mlrd teńgeni quraǵan.
Keste boıynsha aı saıynǵy ortasha tólem somasy (zeınet jasyna tolýyna baılanysty) – 28 525 teńge, al eń joǵary soma – 673 643 teńge.
