«Áleýmettik jelilerge monıtorıng júrgizý barysynda Túrkistan oblysy PD ekstremızmge qarsy is-qımyl basqarmasynyń jedel ýákilderi destrýktıvti-dinı aǵymnyń ıdeologııasyn nasıhattaıtyn ekstremıstik sıpattaǵy beınerolıkter men basqa da materıaldardy ornalastyrý faktilerin anyqtady. Jedel-izdestirý sharalary barysynda polısııa qyzmetkerleri ekstremıstik materıaldardy taratqan kúdiktini anyqtap, ustady. Ol Túrkistan oblysynyń turǵyny bolyp shyqty», delingen habarlamada.
Ustalǵan adamnan dinı sıpattaǵy aýdıojazbalary bar uıaly telefondar, tyıym salynǵan dinı ádebıetter jáne ózdiginen jazylǵan paraqtar alyndy.
Atalǵan faktini polısııa qyzmetkerleri QR QK-niń 256-baby «Terrorızmdi nasıhattaý nemese terrorızm aktisin jasaýǵa jarııa túrde shaqyrý» boıynsha tirkedi. Ustalǵan azamatqa qatysty sotqa deıingi tergeý amaldary júrgizilýde. Birqatar saraptamalar taǵaıyndaldy.
