Ǵylymı-praktıkalyq konferensııa aıasynda kitaphana tórinen «Shora Shamǵalıuly Sarybaev atyndaǵy oqý zaly» ashyldy.
Ǵalymnyń urpaǵy Shora Sarybaevtyń taǵylymdy ǵumyrynda jınap, qurastyrǵan jeke kitaphanasyn QR Ulttyq akademııalyq kitaphanasynyń qoryna syıǵa tartty. Sonyń ishinde ǵalymnyń jeke kitaphanasynda jınaqtalǵan 5000-nan astam qazaq til biliminiń dıalektologııa, morfologııa, leksıkologııa, leksıkografııa, bıblıografııa, til tarıhy, aýdarma, esimnama, t.b. salalaryna arnalǵan ǵylymı zertteý eńbekteri de bar.
Shora Sarybaevtyń taǵylymdyq-tanymdyq eńbekteri men ǵıbratty ǵumyryn úlgi etýge arnalǵan sharaǵa BǴM Ǵylym komıtetiniń tóraıymy Janna Qurmanǵalıeva, BǴM Til saıasaty komıtetiniń tóraǵasy Ádilbek Qaba, QR Parlamentiniń depýtattary Qazybek Isa, Darhan Myńbaı, Ámirhan Raqymjanov, Qazaqstan Jazýshylar Odaǵynyń tóraǵasy Ulyqbek Esdáýlet, pedagogıka ǵylymdarynyń doktory, professor, QR Ulttyq akademııalyq kitaphanasynyń basshysy Úmithan Muńalbaeva, A.Baıtursynuly atyndaǵy Til bilimi ınstıtýtynyń dırektory Anar Fazyljanova, memleket jáne qoǵam qaıratkerleri Myrzataı Joldasbekov, Ádil Ahmetov, Qýanysh Sultanov, QR Ulttyq Ǵylym akademııasynyń akademıkteri Ýálıhan Qalıjan, Baýyrjan Omarov, Darhan Qydyráli, Kárimbek Qurmanálıev, Sherýbaı Qurmanbaıuly qatysty.
Jınalǵandar ǵalymnyń til bilimi men túrki dúnıesin damytýǵa qosqan úlesin aıryqsha atap ótip, akademıktiń atyna ashylǵan oqý zalynyń izdenýshiler, ǵylymǵa qyzyǵýshylar úshin erekshe paıdaly bolatynyna senim bildirdi.
Jıynda sóz alǵan memleket qaıratkeri Myrzataı Joldasbekov ǵalym jaıly estelikterimen bólisip, kitabyn syıǵa tartty.
Sonymen birge, Halyqaralyq Túrki akademııasynyń prezıdenti Darhan Qydyráli oqý zalynda Shora Sarybaevtyń kitaptary ǵana emes, qoldanǵan buıymdarynyń da qoıylǵanyn atap ótip, kitaphana ári ǵalymnyń mýzeıi dep baǵa berdi. Sondaı-aq, Túrki akademııasy shyǵarǵan 150 kitapty oqý zalyna tartý etetinin jetkizdi.
Ǵylymı-praktıkalyq konferensııa barysynda akademık Seıit Qasqabasov, Parlament depýtaty Ámirhan Raqymjanov, aqyn Ulyqbek Esdáýlet sóz sóılep, qazaq ǵylymynyń shoqtyǵy bıik tulǵasynyń oqý zalynyń ashylǵanymen quttyqtady.
