«Selden qorǵaý bógetinen ál-Farabı dańǵylyna deıin jáne odan ári Abaı dańǵylyna deıin Úlken Almaty ózeniniń sý qorǵaý beldeýi men arnasyn rekonstrýksııalaýdy aldaǵy jylǵa josparlap otyrmyz», dedi Baqytjan Saǵyntaev.
Sońǵy eki jyl ishinde 84 nysan abattandyryldy. Byltyr «Qarasý» shaǵyn aýdanda jańa rekreasııalyq aımaqtyń qurylysy júrgizildi. «Jeltoqsan», «Drýjba» saıabaqtary, «Jetisý-3» shaǵyn aýdanyndaǵy skver, «Iýjnyı» saıabaǵy da abattandyryldy. 2021 jyly «Maıak» toǵaıy, «Kókmaısa» shaǵyn aýdandaǵy Esentaı ózeniniń jaǵalaýy, Taýly qyrat shaǵyn aýdanyndaǵy ýchaske abattandyryldy, Á.Qasteev mýzeıi aldyndaǵy fontan, Abaı atyndaǵy opera jáne balet teatry mańyndaǵy skver, Terrenkýr jáne Jarbulaq, Tiksaı ózenderiniń arnalary jóndeý jumystarynan ótti.
Jýyrda K. Baıseıitova kóshesiniń boıyndaǵy jaıaý júrginshiler aımaǵy men Qazaq-Brıtan tehnıkalyq ýnıversıtetiniń saıabaǵyn abattandyrý jáne kógaldandyrý kózdelgen.
