О́ńirlik kommýnıkasııalar qyzmetinde ótken brıfıngte oblystyq sanıtarlyq-epıdemııalyq baqylaý departamentiniń basshysy Dınara Jańabergenova tamyzda 2 486, qyrkúıekte 1 125 jaǵdaı anyqtalsa, 24 qazanǵa deıin 737 derek tirkelgenin atap ótti.
– Oblys turǵyndary arasynda karantın talaptarynyń saqtalýyna monıtorıng júrgizý jalǵasýda. Jyl basynan beri búginge deıin monıtorıngtik top 15 118 nysandy teksergen. Onyń barysynda karantın talaptaryn buzýdyń 799 deregi belgili bolyp, 52 mln teńgeden astam ákimshilik aıyppul salyndy. Qyrkúıek aıynyń sońyna taman Ashyq júıesine qosylǵan nysandarda belgilengen shekteýlerdi saqtaı otyryp, toı ótkizýge ruqsat berildi. Degenmen úı jaǵdaıynda adamdardy kóp jınaı otyryp, otbasylyq is-sharalardy ótkizý toqtamaı tur. Jyl basynan beri osyndaı 515 derek anyqtaldy, – deıdi departament basshysy.
Búginde oblysta vaksınanyń tolyq kýrsynan ótken turǵyndar sany 286 448-ge jetti, bul tıisti kontıngenttiń 63,3 paıyzy. Jalpy, vaksınalaý kórsetkishi boıynsha Syr boıy respýblıkada alǵashqy bestik qatarynda tur. Oblystyq densaýlyq saqtaý basqarmasy basshysynyń orynbasary Jangeldi Shaıymbetovtiń aıtýynsha, oblys ortalyǵyndaǵy №1 qalalyq emhanada koronavırýsqa qarsy ekpeni jospardaǵy 25 256 adam tolyq alǵan, Jalaǵash jáne Qarmaqshy aýdandary da vaksınalaý jumystaryn sátti aıaqtapty.
Mamandar turǵyndar arasynda ujymdyq ımmýnıtet qalyptasyp kele jatqanyn aıtyp otyr. Biraq saqtyq sharalary esten eki eli shyqpaýy tıis.
Qyzylorda oblysy
