Statıstıka jumysy júıeli

Prezıdent janyndaǵy Ortalyq kommýnıkasııalar qyzmetinde kezekti brıfıng ótti. Oǵan Statıstıka agenttiginiń tóraǵasy Álıhan Smaıylov qatysty. «Elbasy bıylǵy Joldaýynda  Qazaqstan álemdegi eń damyǵan 30 memlekettiń qataryna qosylýy kerek degen mindet júktedi. Osy maqsatqa jetý úshin uzaqmerzimdi 7 basymdyq belgilendi. Statıstıka organdary óz kezeginde júrip jatqan úderisterdiń sapaly ól­shenýin, Elbasy Joldaýyna sáı­kes elde iske asyrylyp jatqan strategııalyq jáne baǵ­dar­­lamalyq qujattardy monı­torıngteýdi qamtamasyz etýi, sondaı-aq, qoǵam, halyq jáne bıznestiń qajetti statıstıkalyq aqparatqa degen qajettiligin qanaǵattandyrýy tıis. Osyǵan baılanysty statıs­tıka organdary statıstıkalyq kórsetkishterdiń júıesin turaqty túrde qaıta qarastyrady. Agent­tiktiń 2014 jylǵa arnalǵan statıstıkalyq nysandaryn qaıta qaraý nátıjesinde respondentterge eseptik júkteme taǵy 12 paıyzǵa qysqartyldy», dedi Á.Smaıylov. Statıstıkalyq jumystardyń 2014 jylǵa arnalǵan josparyna kún, jel jáne gıdroenergetıka syndy jańartylǵan energııa kózderin qoldaný obektileri bar kásiporyndardy jańadan zertteý engizilgen. Bıylǵy jyly halyqtyń ekologııalyq taza ónimder men qyzmetterge qoljetimdiligi, ener­gııanyń jańar­tylatyn kózderine ınvestısııalar jáne «jasyl» qurylysta oryndalǵan qurylys jumystarynyń quny sııaqty birqatar ózge de kórset­kishter qalyptastyrylmaq. Sapaly jáne dáıekti statıs­tıkalyq kórsetkishterdi usyný bóliginde vedomstvo statıstıkanyń barlyq salalarynda derlik, sonyń ishinde elimizdiń ulttyq statıstıka júıesiniń áleýetin arttyrýǵa baǵyttalǵan «Qazstat» jobasy sheńberindegi halyqaralyq sarapshylardyń usynymdaryn esepke ala otyryp, ádisnamalyq jáne ádistemelik bazany jetildirý jumystaryn júrgizedi. О́tken jyly agenttik paıdalanýshyny sapaly statıstıkalyq aqparatpen qamtamasyz etý úshin jalpy statıstıkadaǵy ınno­vasııalyq joba bolyp tabylatyn «E-statıstıka» ıntegrasııalanǵan aqparattyq júıeni ázirleýdi aıaq­taǵan. Sonymen qatar, ózge mem­lekettik organdardyń aqpa­rattyq júıelerimen ıntegrasııalaný boıynsha jumysty jalǵ­astyrýda. Byltyr 5 aqparat­tyq júıemen ıntegrasııalaný júzege asyrylǵan. Agenttik aýyldyq okrýg ákim­deriniń ár sharýashylyq boıynsha esepke alý kitaptaryn qaǵaz­tasyǵyshtan elektrondyq formatqa aýystyrý boıynsha jumysty aıaqtaýda. Bul aýyl sharýashylyǵy men aýyldyq statıstıka sapasyn arttyrýǵa baǵyttalǵan. Sondaı-aq, 2014 jyl­ǵa  Dúnıejúzilik bankpen,  Sheteldik áriptester konsorsıýmymen jáne múddeli memlekettik organdarmen birlesip «Qazstat» jobasyn iske asyrý boıynsha ju­mystardy iske asyrý sekildi jáne basqa da birneshe mindet belgilep otyr. Ábdirahman QYDYRBEK, «Egemen Qazaqstan».