«Bul nysandy biz krematorıı demeımiz. 2020 jyly patologııalyq bıýrony paıdalanýǵa berdik. Ol JEO-2 ońtústigine qaraı ornalasqan. Nysan patologııalyq bıýronyń fılıaly bolyp sanalady. Onyń fýnksıonaldyq maqsaty bıologııalyq jáne medısınalyq qaldyqtardy joıý», dedi Sapar Nurashev.
Spıkerdiń sózinshe, qazirgi ýaqytta qurylys jumystary aıaqtalýǵa jaqyn qaldy.
«Búgingi kúni nysan ishinde qondyrǵylardy iske qosý-montajdaý jumystary júrip jatyr. Chehııadan qural-jabdyqtar jetikzildi. Qazir óndirýshi kompanııanyń ókilderi kelip, montajdaý jumystaryn júrgizip jatyr», dep túsindirdi Sapar Nurashev.
Aıta keteıik, 2020 jyldyń jazynda krematorıı qurylysynyń jobalyq-smetalyq qujattaryn ázirleýge tender jarııalanǵan bolatyn. Tapsyrys berýshi – Almaty qalasy jaıly qalalyq orta basqarmasy.
