«Bıik taýly jerge qaramastan, oqıǵa ornyna órt sóndirýshiler jedel kóterildi, kelgen sátte 40 sharshy metr aýmaǵynda ashyq jalynmen 2 qabatty saıajaı úıi men aýladaǵy qurylystardyń órtenip jatqanyn anyqtady. Dereý órtoqpandary engizilip, órt sóndirý avtosısternalardan sý úzdiksiz qamtamasyz etildi. Qysqa merzimde órttiń kórshi ǵımarattarǵa taralý qaýpi joıyldy. О́rt 12 mınýtta aýyzdyqtalyp, 11:40-ta sóndirildi. О́rtti sóndirýge jeke quramnan 20-dan astam adam, 5 birlik tehnıka jumyldyryldy», dep habarlady departamentten.
Vedomstva málimetinshe, 1971 jyly týǵan oqıǵa kúágeri, kórshi Baqytjan Qaǵazbekov janyp jatqan úıge kirip 62 jastaǵy áıeldi qutqaryp qalǵan. Ol №4 qalalyq aýrýhanaǵa jetkizildi. Baqytjan ózi aýrýhanaǵa jatýdan bas tartqan. О́rtti sóndirý barysynda 47 jastaǵy er adam men 51 jastaǵy áıeldiń denesi tabyldy.
Qyrkúıek aıynda Medeý aýdandyq Tótenshe jaǵdaılar basqarmasynyń qyzmetkerleri osy úıdiń turǵyndarymen qaýipsizdik erejelerin saqtaý týraly túsindirme áńgime júrgizgen.
