Baǵdarlama: Derek pen dáıek

Halyqtyń áleýmettik jaǵ­daı­yn jaqsartý, jumyspen qamtý ba­ǵytymen óńirde ótken jyly nátıjeli jumystar atqaryl­ǵa­nyn aıtýǵa bolady. Bul jumys aǵymdaǵy jyly da jalǵasyn taýyp, “Jol kartasyna” 13,6 mlrd. teńge qaralyp otyr.

Bıyl ınvestısııalyq baǵyt boı­yn­sha 12,7 mlrd. teńgeniń ju­my­sy atqarylyp, 220 jobanyń tııa­naǵy keltirilmekshi. Nátıjesinde, áleýmettik jumys ornyn ashýǵa 384 mln., mamandardy qaıta oqy­týǵa 562 mln. teńge qarjy qaras­tyrylǵan. “Daıyndaý jáne qaıta oqytý” baǵdarlamasymen 4500 adam jańa kásipti ıgerip, eki qolǵa bir jumys tabatyn bolady. Halyqty áleýmettik jumys ornymen qamtamasyz etý maq­satynda  243 mekememen kelisim-shart jasalsa, qazirdiń ózinde 1044 adam eńbekpen qamtylǵan. Bulardyń qatary endi 3300-ge kóbeıip, myńdaǵan adamnyń áleý­mettik máselesi oń sheshilmekshi.

Kúmisjan BAIJAN. Almaty oblysy.

722  000  000 Osynshama teńgege sport nysandaryn jóndeý bastalyp ketti. Qaraǵandy aımaǵy buqaralyq sporttyń jaqsy damýymen ta­nymal. Elbasy Joldaýynda alǵa qoıylǵandaı, oǵan turǵyndardy keńinen qamtýǵa múmkindikter  ja­sala túsýde. Bul baǵytta aǵym­daǵy jyly atqarylar jumystar aýqymdy bolǵaly otyr. Sonyń negizgisi, tıisti nysandardy jóndeý-jańartý bolyp tabylady. Byltyr “Jol kartasy” sheń­berinde osy maqsatta 441 mıl­lıon teńge ıgerilse, bıyl sol úshin bólingen qarajat eki esege jýyq artyq, ıaǵnı 722 mıllıon teńgeni quraıdy. Temirtaýdaǵy “Jastar” júzý basseıni, Jez­qaz­ǵandaǵy eskek esý bazasy, Aq­to­ǵaı, Qarqaraly, Osakarov, Shet aýdandaryndaǵy stadıondar qaıtadan túrlenetin 9 sporttyq nysannyń qataryna jatady.

Aıqyn NESIPBAI. Qaraǵandy oblysy.

250 800 000 Batys  Qazaqstan oblysynda bıylǵy birinshi toqsanda osynshama teńgeniń ónerkásip ónimi óndirildi, bul ótken jylǵydan 4,9 paıyzǵa artyq. Statıstıkalyq derekterge sáıkes sonyń ishinde ken óndirý ónerkásibinde 229,5 mlrd. teń­ge­niń ónimi shyǵarylyp, bul ótken jylǵy birinshi toqsandaǵydan 6,2 paıyzǵa asyp tústi. Bul tabıǵı gazdyń 9,6, gaz kondensaty ón­di­risiniń 5,7 paıyzǵa kóbeıýinen bolyp otyr. О́ńdeý ónerkásibinde 13,6 mlrd. teńgeniń ónimi óndirildi, bul ótken jylǵy deńgeımen sa­lystyrǵanda 91,1 paıyz. Munyń úshten birinen astamyn nemese 34,1 paıyzyn azyq-túlik ónimderi quraıdy, bul salada 4,6 mlrd. teń­geniń ónimi shyǵaryldy. Sonyń ishinde kúnbaǵys maıy – 5,8, balyq  2 esege, irimshik pen súzbe – 27,1, makaron ónimderi 16,0 paıyzǵa artty. Birinshi toqsanda metall óń­deý – 7,9, máshıne jasaý  3,4 ese­ge, toqyma ónimderi 23,2 paıyzǵa ósti.

Temir QUSAIYN. ORAL.