Sıfrly qujattar qaı jerde qoldanylady?

Qazirdiń ózinde qujattyń túp­nus­qasyn usy­na almaıtyn azamattarǵa ar­nalǵan qyzmet Beeline uıaly baılanys operatorynyń qyzmet kórsetý orta­lyq­tarynda qoljetimdi. Bul úshin klıenttiń smartfonynda elektrondy úkimettiń eGov mobile mobıldi qosymshasy bo­lýy kerek. Atalǵan qosymshany ashqannan keıin «Sıfrly qujattar» bólimin tańdap, avtorızasııalaýdan ótý kerek. Qosymshaǵa bıometrııa nemese bir rettik SMS qupııa sózi arqyly qosylýǵa bolady. Avtorızasııa­dan keıin ashylǵan terezede jeke kýálikti tańdap, «ruqsatty ashý» batyrmasyn basý qajet.

Prosedýrany oryndaý úshin Beeline uıaly baılanys operatorynyń menedjeri QR ko­dyn skanerleıdi jáne bıometrııalyq derek­ter arqyly klıenttiń jeke basyn kýálan­dyrady.

– Memlekettik qyzmetterdi kórsetýdegi yńǵaı­lylyq, qaýipsizdik jáne tıimdilik bú­ginde basymdyqqa aınaldy. Buǵan deıin keı­bir qalalardyń bankteri men áýejaılary sıfrly qujattardy qabyl­daı bastady, búginde bul fýnksııa bir uıaly baılanys operatorynda qoljetimdi, alaıda mınıstrlik barlyq qaýipsizdik parametrlerine sáıkes keletin iri kompanııalar men uıaly baılanys operatorlary úshin ashyq, – deıdi Sıfrlyq damý, ınnovasııalar jáne aeroǵarysh óner­kásibi mınıstri Baǵdat Mýsın.

Qazirgi ýaqytta sıfrly qujattar qyz­­metinde 18 qujat tirkelgen. Olardyń ishinde eń tanymaldary – jeke kýálik, júr­gizýshi kýáligi, ekpe tólqujaty, PTR sy­naǵy jáne týý týraly kýálik. Bu­ǵan de­ıin qazaqstandyq­tar sıfrly qu­jat­tar­dy áýejaılarda, te­mir ­jol vokza­lyn­daǵy vagondarda, bankter men notarıýs qyz­metterine júgingen kezinde paıdalanýǵa múm­kindik alǵan edi. Júıeniń ıntegrasııa­lanýy mınıstrlik, «Ulttyq aqpa­rattyq tehnologııalar» AQ jáne Beeline Qazaqstan kómegimen júrgizilgen.