«Búgin 29 qazan Túrkııa halqynyń ulyq meıramy – Respýblıka kúni. Respýblıkanyń qurylǵanyna 98 jyl tolǵan osy aıtýly kúnmen Túrkııa memleketin jáne baýyrlas túrik halqyn shyn júrekten quttyqtaımyn.
Uly Kóshbasshy Gazı Mustafa Kemal Atatúriktiń «Elde tynyshtyq – álemde tynyshtyq» qaǵıdasymen qurylǵan Túrkııa Respýblıkasy halyqaralyq saıası arenada aımaqtaǵy jáne odan tys óńirlerdegi qaýipsizdik pen beıbitshiliktiń kepili retinde mańyzy zor memleketke aınaldy.
Ult-azattyq kúrestiń tarıhı jeńispen aıaqtalyp, Respýblıkanyń jarııalanýy Túrkııanyń qarqyndy damyp, órkenıetke qadam basýy úshin jańa kókjıekterge jol ashty. Búginde qýatty ekonomıkaǵa, berik demokratııaǵa qol jetkizip, adamı qundylyqtarǵa adaldyǵymen óziniń ǵasyrlyq mereıtoıyna qadam basqan Túrkııa Respýblıkasy ózge elderge ónege bolyp keledi.
Osyǵan oraı Túrkııa jurtshylyǵyn Respýblıka kúnimen taǵy da quttyqtap, baýyrlas túrik halqyna beıbitshilik, birlik pen yntymaq, turaqty damý tileımin!», dep jazylǵan quttyqtaýda.
